தெலுங்கு இயக்குநர் அனுதீப் கேவி இயக்கத்தில் சிவகார்த்திகேயன், உக்ரைன் நடிகை மரியா ரியாபோஷப்கா, சத்யராஜ், உள்ளிட்டோர் நடித்துள்ள “பிரின்ஸ்" திரைப்படம் வருகிற 21ஆம் தேதி வெளியாக உள்ளது. இத்திரைப்படத்திற்கு தமன் இசையமைத்துள்ளார்.
இப்படத்தில் சிவகார்த்திகேயன் டீச்சராக நடித்துள்ளதாக தகவல் வெளியாகியுள்ளது. மேலும், இப்படத்தில் இரண்டு பாடல்கள் வெளியாகி நல்ல வரவேற்பைப் பெற்றுள்ளது. இப்படத்தின் படப்பிடிப்பு சமீபத்தில் நிறைவடைந்தது. இதனை படக்குழுவினர் கேக் வெட்டி கொண்டாடியுள்ளனர்.
இந்தாண்டு தீபாவளியை ஒட்டி வருகிற 21ஆம் தேதி வெளியாக உள்ளது. இதனை படக்குழுவினர் அதிகாரப்பூர்வமாக அறிவித்துள்ளனர். தொடர் விடுமுறை என்பதால் முன்னதாகவே வெளியிட்டால் வசூல் அள்ளும் என்பது படக்குழுவினரின் கணக்காக உள்ளது.
இது சிவகார்த்திகேயன் நடிக்கும் 20வது படமாகும். கடைசியாக சிவகார்த்திகேயன் நடித்து வெளியான டாக்டர், டான் உள்ளிட்ட திரைப்படஙகள் மக்களிடையே பெரும் வரவேற்பை பெற்றது குறிப்பிடத்தக்கது.
இதையும் படிங்க: பூஸான் சர்வதேச திரைப்பட விழாவில் ‘விக்ரம்’ திரைப்படம்
