நடிகர் விஜய் தற்போது லோகேஷ் கனகராஜ் இயக்கத்தில் 'லியோ' படத்தில் நடித்து முடித்து உள்ளார். இதனைத் தொடர்ந்து வெங்கட் பிரபு இயக்கத்தில் நடிக்க உள்ளார். லியோ படத்தை லலித் குமார் தயாரித்து உள்ளார். அனிருத் இசை அமைத்து உள்ளார். இப்படத்தில் த்ரிஷா, மன்சூர் அலிகான், மிஷ்கின், அர்ஜுன், கௌதம் மேனன், சஞ்சய் தத் என ஏகப்பட்ட நட்சத்திரங்கள் நடித்து உள்ளனர்.
அக்டோபர் மாதம் 19 ஆம் தேதி இப்படம் வெளியாக உள்ளது. தற்போது போஸ்ட் புரொடக்சன் பணிகள் நடைபெற்று வருகின்றன. மிகப் பெரிய எதிர்பார்ப்புகள் ஏற்படுத்தி உள்ள இந்தப் படம் லோகேஷ் கனகராஜின் எல்சியுவில் இணையுமா என்றும் ரசிகர்கள் மத்தியில் மிகுந்த எதிர்பார்ப்பு எழுந்து உள்ளது. முந்தைய படமான விக்ரம் மிகப் பெரிய வெற்றியை பெற்றது. இதனால் இந்த படத்துக்கு மேலும் ஹைப் கூடி உள்ளது. ஆக்ஷன் காட்சிகள் நிறைந்த படமாக இது இருக்கும் என்பது மட்டும் உறுதி.
-
Meet #AntonyDas 🔥🔥
— Lokesh Kanagaraj (@Dir_Lokesh) July 29, 2023 " class="align-text-top noRightClick twitterSection" data="
A small gift from all of us to you @duttsanjay sir! It was indeed a pleasure to work with you!🤜🤛#HappyBirthdaySanjayDutt ❤️#Leo 🔥🧊 pic.twitter.com/UuonlCF3Qa
">Meet #AntonyDas 🔥🔥
— Lokesh Kanagaraj (@Dir_Lokesh) July 29, 2023
A small gift from all of us to you @duttsanjay sir! It was indeed a pleasure to work with you!🤜🤛#HappyBirthdaySanjayDutt ❤️#Leo 🔥🧊 pic.twitter.com/UuonlCF3QaMeet #AntonyDas 🔥🔥
— Lokesh Kanagaraj (@Dir_Lokesh) July 29, 2023
A small gift from all of us to you @duttsanjay sir! It was indeed a pleasure to work with you!🤜🤛#HappyBirthdaySanjayDutt ❤️#Leo 🔥🧊 pic.twitter.com/UuonlCF3Qa
சமீபத்தில் வெளியான இப்படத்தின் முதல் பாடலான ‘நா ரெடி’ சமூக வலைத்தளங்களில் வைரலாகி வருகிறது. தற்போது வரை ட்ரெண்டிங்கில் உள்ளது குறிப்பிடத்தக்கது. இந்த நிலையில் நேற்று (ஜூலை 29) சஞ்சய் தத் பிறந்தநாளை முன்னிட்டு அவருக்கான பிரத்யேக கிளிம்ப்ஸ் வீடியோவை இயக்குநர் லோகேஷ் கனகராஜ் அவரது ட்விட்டர் பக்கத்தில் வெளியிட்டார்.
அதில், சஞ்சய் தத் மிரட்டலான தோற்றத்தில் இருந்தார். அனிருத்தின் பின்னணி இசை மிகப் பிரமாதமாக இருந்தது. இந்த கிளிம்ப்ஸ் வீடியோ வெளியாகி சமூக வலைத்தளங்களை ஆட்கொண்டு உள்ளது. இதுவரை 5 மில்லியன் பார்வையாளர்களை கடந்துள்ளது குறிப்பிடத்தக்கது. சஞ்சய் தத் மிகப் பெரிய தாதா கேங்க் என்று இந்த வீடியோவில் தெரிகிறது.
லியோ திரைப்படம், உலக அளவில் மிகப் பெரிய மார்க்கெட் வியாபாரம் நடைபெற்று வருகிறது. இதுவரை பல கோடிகள் வியாபாரம் ஆகியுள்ளது. ஓடிடி உரிமையும் இதுவரை இல்லாத விலைக்கு விற்பனை செய்யப்பட்டு உள்ளது. கிட்டத்தட்ட ஆயிரம் கோடி ரூபாய்க்கு வியாபாரம் ஆகும் என்று எதிர்பார்க்கப்படுகிறது. விக்ரம் படம் கிட்டத்தட்ட 450 கோடி ரூபாய் வரை வசூல் செய்தது குறிப்பிடத்தக்கது. அந்த சாதனையை லியோ படம் முறியடிக்கும் என்று எதிர்பார்க்கப்படுகிறது. விஜய்யின் மார்க்கெட் தற்போது உச்சத்தில் இருப்பதால் இது சாத்தியம் என்கின்றனர்.
இதையும் படிங்க: "குரைக்காத நாயுமில்லை, குறை சொல்லாத வாயுமில்லை"... ரஜினியின் குட்டிக் கதை யாருக்கு?
