சிகிச்சைக்காக வெளிநாடு செல்லவிருக்கும் டி.ராஜேந்தருடன் கமல் சந்திப்பு

உடல் நலக்குறைவால் சிகிச்சைக்காக வெளிநாடு செல்லவிருக்கும் நடிகர் மற்றும் இயக்குநர் டி.ராஜேந்தரை நடிகர் கமல்ஹாசன் சந்தித்துள்ளார்.

நடிகர் மற்றும் இயக்குநரான டி.ராஜேந்தர் கடந்த சில நாட்களுக்கு முன்பு உடல் நலக்குறைவால் மருத்துவமனையில் அனுமதிக்கப்பட்டார். அதன்பின், அவர் உடல் நலமாகி வருவதாக நடிகர் சிலம்பரசன் தெரிவித்தார்.

இந்நிலையில், மேல் சிகிச்சைக்காக வெளிநாடு செல்லவிருக்கும் டி.ராஜேந்தரை இன்று(ஜூன் 14) நடிகர் கமல்ஹாசன் சந்தித்துள்ளார். இவர்கள் சேர்ந்து எடுத்த புகைப்படம் தற்போது சமூக வலைதளங்களில் பரவி வருகிறது.

கடந்த மாதம் சென்னை ராமச்சந்திரா மருத்துவமனையில் அனுமதிக்கப்பட்ட டி.ராஜேந்தரை முதலமைச்சர் மு.க.ஸ்டாலின் சந்தித்தார். தொடர்ந்து அவர் நலமாகி வருவதாகத் தகவல்கள் வெளியான நிலையில், தற்போது மேல்சிகிச்சைக்காக வெளிநாடு செல்லவுள்ளார் என்பது குறிப்பிடத்தக்கது.