கடந்த ஜூன் 3அன்று கமல்ஹாசன் நடிப்பில் திரையரங்குகளில் வெளியாகி மாபெரும் வெற்றியடைந்துள்ள 'விக்ரம்' திரைப்படத்தின் வெற்றியடைந்ததையடுத்து நடிகர் கமல் ஹாசனும் இயக்குநர் லோகேஷ் கனகராஜும் இன்று (ஜூன் 9) செய்தியாளர்களைச் சந்தித்தனர்.
அப்போது செய்தியாளர் ஒருவர் , 'நடிகர் விஜயுடன் படம் செய்யத்தயாரென்று சமீபத்தில் மலேசியாவில் ஒரு செய்தியாளர் கேட்ட கேள்விக்குப் பதிலளித்தீர்களே..?' எனக் கேள்வி கேட்டார். அதற்குப் பதிலளித்த கமல்ஹாசன், 'நாங்கள் அதைப் பற்றி பேசியிருக்கிறோம். அதற்கு நேரமும், கதையும் வர வேண்டும்.
அவரை நான் 'அய்யா' என்று கூறிவிட்டேன். அதற்கு என்ன அர்த்தமென்று கேட்கிறார்கள். நடிகர் சிவாஜி அவர்கள் என்னைக் 'கமல்ஹாசன் அய்யா' என்று பாசமாகக் கூறுவார். அதைப் போல் ஒன்று தான் இதுவும்' எனக் கூறினார்.
