'விக்ரம்' படத்தின் வெற்றி: லோகேஷுக்கு கார் பரிசளித்தார் கமல்ஹாசன்!

சமீபத்தில் கமல், விஜய்சேதுபதி, ஃபகத் ஃபாசில் நடிப்பில் வெளியான ‘விக்ரம்’ திரைப்படம் திரையரங்குகளில் வெளியாகி மாபெரும் வெற்றியடைந்துள்ள நிலையில், இயக்குநர் லோகேஷ் கனகராஜுக்கு கமல்ஹாசன் கார் ஒன்றைப் பரிசளித்துள்ளார்.

நடிகர் கமல்ஹாசன் நடிப்பில் சமீபத்தில் வெளியான 'விக்ரம்' திரைப்படம் மாபெரும் வெற்றிபெற்றுள்ளது. ரசிகர்கள் மத்தியிலும், விமர்சகர்கள் மத்தியிலும் நல்ல வரவேற்பைப் பெற்று வரும் இப்படம் கமல்ஹாசன் திரைவாழ்விலேயே மிகப்பெரிய வசூல் செய்த படமென கூறப்படுகிறது.

இந்நிலையில், இத்தகைய வெற்றி படத்தை தந்த இயக்குநர் லோகேஷ் கனகராஜூக்கு கார் ஒன்றைப் பரிசளித்துள்ளார், கமல்ஹாசன். இந்தப் புகைப்படம் தற்போது சமூகவலைதளங்களில் வைரலாகி வருகிறது. இதற்கிடையில், கமல்ஹாசனின் ராஜ் கமல் ஃபிலிம்ஸ் நிறுவனத்தில் லோகேஷ் கனகராஜ் மீண்டும் படம் இயக்கவுள்ளார் எனத் திரையுலக வட்டாரங்களில் தகவல்கள் வெளியான வண்ணம் உள்ளன.