சென்னை: இயக்குநர் விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா ஆகியோர் நடித்துள்ள படம் 'காத்துவாக்குல ரெண்டு காதல்'. இப்படத்திற்கு அனிருத் இசையமைத்துள்ளார். மேலும், இவரது இசையில் வெளியான இப்படத்தின் மூன்று பாடல்கள் ரசிகர்கள் மத்தியில் நல்ல வரவேற்பைப் பெற்றுத்தந்துள்ளன.
இப்படத்தின் இறுதிகட்டப் படப்பிடிப்பு கரோனா காரணமாக தாமதமாகிக்கொண்டே வந்தது. சமீபத்தில் படப்பிடிப்பு தொடங்கி நடைபெற்று வந்தது. இந்நிலையில் இன்று (மார்ச் 31) ஒட்டுமொத்த படப்பிடிப்பும் நிறைவடைந்துவிட்டதாக படக்குழு அறிவித்துள்ளது.
இதனை, கேக் வெட்டி படக்குழு கொண்டாடியுள்ளனர். இப்படம் வருகிற ஏப்ரல் 28ஆம் தேதி திரையரங்குகளில் வெளியாகவுள்ளது. நானும் ரவுடி தான் படத்திற்குப் பிறகு, விக்னேஷ் சிவன் இயக்கத்தில் விஜய் சேதுபதி, நயன்தாரா இணைந்து நடித்துள்ள படம் என்பதால் எதிர்பார்ப்பு எகிறத்தொடங்கியுள்ளது.
இதையும் படிங்க: மாமன்னன் முதற்கட்ட படப்பிடிப்பு நிறைவு!
