சென்னை: தலைநகர் சென்னையின் நகர் பகுதி, புறநகர் பகுதி என அனைத்து இடங்களிலும் சமீப காலமாக இருசக்கர வாகன திருட்டு அதிகரித்து வருகிறது. இந்நிலையில், பிரபல தனியார் தொலைக்காட்சி தொகுப்பாளினியான மணிமேகலைக்கு சொந்தமான கேடிஎம் பைக் நேற்று (ஏப். 17) அதிகாலை திருடுபோய் உள்ளது.
இதுகுறித்து அவர் வெளியிட்டுள்ள இன்ஸ்டாகிராம் பதிவில், "இன்று (அதாவது நேற்று) அதிகாலை, சென்னை அசோக் நகரில் உள்ள நண்பரின் வீடு அருகே நிறுத்திவைக்கப்பட்டிருந்த எங்கள் பைக் திருடு போய்விட்டது. கல்யாணத்திற்கு பிறகு, கடினமாக உழைத்து வாங்கிய முதல் பைக். வருத்தமாக உள்ளது" எனக் குறிப்பிட்டு, வருஷத்துக்கு ஒரு சம்பவம் எங்க இருந்துதான் வருதோ! என்று தனது மனக்குமுறலை வெளிப்படுத்தியுள்ளார்.
மேலும், அந்த பைக், கேடிஎம் ஆர்சி 200 மாடல் என்றும், பதிவு எண் TN 10 BJ 4700 என்றும் அவர் குறிப்பிட்டுள்ளார். பைக்கை கண்டுபிடிக்க தேவையான முயற்சிகள் எடுக்கப்பட்டுள்ளதாகவும், இதற்கு விரைவாக தீர்வு கிடைக்கும் என நம்புவதாகவும் மணிமேகலை அதில் தெரிவித்துள்ளார். இதைத் தொடர்ந்து, சமூக வலைதளங்களில் அவருக்கு பலரும் ஆறுதல் கூறி வருகின்றனர்.
- " class="align-text-top noRightClick twitterSection" data="
">
பல ஆண்டுகளாக தொலைக்காட்சிகளில் தொகுப்பாளினியாக பணியாற்றி வந்த மணிமேகலை, தற்போது தனியார் தொலைக்காட்சியில் ஒளிப்பராகும் 'குக் வித் கோமாளி' நிகழ்ச்சி மூலம் மக்கள் மனம் கவர்ந்துள்ளார். அதுமட்டுமில்லாமல், தொலைக்காட்சி பட்டிமன்றங்களிலும் கலந்துகொண்டு வருகிறார்.
இவருக்கும், திரைப்பட நடன உதவியாளரான ஹூசைன் என்பவருக்கும் 2017ஆம் ஆண்டு திருமணமானது. சமூக வலைதளங்களில் பிரபலமான இந்த தம்பதியினர் இன்ஸ்டாகிராம், ஃபேஸ்புக் போன்றவற்றில் தொடர்ந்து ஆக்டிவாக இருந்து வருகின்றனர். மேலும், இந்த தம்பதியினர் 'ஹூசைன் மணிமேகலை' என்ற பெயரில் யூ-ட்யூப் சேனல் ஒன்றை நடத்தி வருவது குறிப்பிடத்தக்கது.
