இல்லத்தில் சென்று முதலமைச்சரை சந்தித்த கமல்ஹாசன்!

சென்னையில் உள்ள முதலமைச்சர் மு.க.ஸ்டாலினின் இல்லத்தில், அவரை நடிகரும் மக்கள் நீதி மய்யம் கட்சியின் தலைவருமான கமல்ஹாசன் சந்தித்துள்ளார்.

சமீபத்தில் நடிகர் கமல்ஹாசன் நடிப்பில் வெளியான ‘விக்ரம்’ திரைப்படம் மாபெரும் வெற்றிபெற்றது. மேலும், இந்தத் திரைப்படம் கமல்ஹாசன் திரைவாழ்விலேயே மிகப்பெரிய வசூல் சாதனை செய்த படமாக மாறியுள்ளது என திரையுலக வட்டாரங்களில் பேசப்படுகிறது.

இந்நிலையில், இந்த வெற்றியையடுத்து பல்வேறு நட்சத்திரங்கள் கமலை நேரில் சந்தித்து வாழ்த்து தெரிவித்து வருகின்றனர். தெலுங்கு சூப்பர் ஸ்டார் சிரஞ்சீவி, பாலிவுட் நடிகர் சல்மான் கான் ஆகியோர் சமீபத்தில் கமல் ஹாசனையும் இயக்குநர் லோகேஷ் கனகராஜையும் நேரில் சந்தித்து வாழ்த்து தெரிவித்தனர்.

அந்த வரிசையில் தற்போது முதலமைச்சர் மு.க.ஸ்டாலின் நடிகர் கமல்ஹாசன் சந்திப்பு நிகழ்ந்துள்ளது. அதற்காக, முதலமைச்சர் மு.க.ஸ்டாலின் இல்லத்தில், அவரை நடிகரும் மக்கள் நீதி மய்யம் கட்சியின் தலைவருமான கமல்ஹாசன் சந்தித்துள்ளார். அந்தப்புகைப்படமும் காணொலியும் இணையத்தில் பரவி வருகிறது.