விஜய் நடிப்பில் திரைக்கு வர இருக்கும் பீஸ்ட் திரைபடத்திற்கு சில தரப்புகளிடமிருந்து எதிர்ப்பு கிளம்பியுள்ளது. நெல்சன் தீலிப்குமார் இயக்கி, சன் பிக்சர்ஸ் தயாரிப்பில் விஜய், பூஜா ஹெக்டே, யோகிபாபு உள்பட பலர் நடித்து பீஸ்ட் திரைப்படம் வரும் ஏப்.14 அன்று உலகம் முழுவதும் வெளியாக இருக்கிறது.
இந்நிலையில் படத்தின் ட்ரெய்லர் சில தினங்களுக்கு முன் வெளியாகி இருந்தது. இந்த ட்ரெய்லரில் இஸ்லாமிய அமைப்புகளை தவறாக சித்தரித்து காட்சிகள் இருப்பதாக கூறி குவைத் நாட்டில் தடைசெய்யப்பட்டது.
இந்தியாவில் உள்ள சில இஸ்லாமிய அமைப்புகளும் இந்த படத்திற்கு எதிராக கருத்துக்களை தெரிவித்துள்ளனர். இதனையடுத்து தற்போது கத்தார் நாட்டிலும் தற்போது தடை விதிக்கப்பட்டுள்ளது.
தொடர்ந்து இரண்டு நாடுகளில் பீஸ்ட் படத்திற்கு தடை விதித்தது படக்குழுவினரை அதிர்ச்சியில் ஆழ்த்தியுள்ளது.
இதையும் படிங்க:'பீஸ்ட்' படத்திற்கும் சர்ச்சை... திடீர் அறிக்கை வெளியிட்ட விஜய்... விஜயை வட்டமிட்ட சர்ச்சைகளின் கதை!
