நடிகர் சிவகார்த்திகேயன் தற்போது உருவாகி வரும் ‘பிரின்ஸ்’ என்ற படத்தில் நடித்து வருகிறார். மேலும் கமல்ஹாசன் தயாரிப்பில் சாய் பல்லவி உடன் ஒருபடம் நடிக்கிறார்.
இதனிடையே மண்டேலா படத்தை இயக்கிய மடோன் அஸ்வின் படத்தில் சிவகார்த்திகேயன் நடிக்க உள்ளார். இப்படத்தின் ஃபர்ஸ்ட் லுக் சமீபத்தில் வெளியானது. தமிழ் மற்றும் தெலுங்கு மொழிகளில் இப்படத்திற்கு, தமிழில் ’மாவீரன்’ என்றும் தெலுங்கில் ’மகாவீருடு’ என்றும் பெயரிடப்பட்டுள்ளது.
இந்நிலையில் இப்படத்தில் சிவகார்த்திகேயனின் பெரியப்பா வேடத்தில் நடிக்க கவுண்டமணியிடம் கேட்கப்பட்டது. அவரும் சில நிபந்தனைகளுடன் நடிக்க சம்மதித்து விட்டதாக கூறப்படுகிறது. எனவே நீண்ட இடைவேளைக்குப் பிறகு திரையில் கவுண்டமணியை பார்க்க ரசிகர்கள் ஆர்வமாக உள்ளனர்.
இதையும் படிங்க: மணிரத்னத்திற்கு கரோனா இல்லை!
