பாகுபலி திரைப்படம் மூலம் உலகம் முழுவதும் பிரபலமடைந்தவர் நடிகர் பிரபாஸ். இவர் பான் இந்தியா திரைப்படங்களில் மட்டுமே கவனம் செலுத்திவருகிறார். அந்த வகையில், அவரது நடிப்பில் உருவாகியுள்ள ஆதிபுருஷ் திடைப்படம் அடுத்தாண்டு ஜனவரி 12ஆம் தேதி வெளியாக உள்ளது. இந்த படத்தின் டீசர் அண்மையில் வெளியானது.
பல்வேறு ட்ரோல்களுக்கும் உள்ளானது. இந்த நிலையில் நடிகர் பிரபாஸ் இன்று (அக். 23) தனது 43ஆவது பிறந்த நாளை கொண்டாடுகிறார். இவரது பிறந்த நாளை முன்னிட்டு ஆதிபுருஷ் படக்குழு புதிய போஸ்டர் ஒன்றை வெளியிட்டுள்ளது.
அதில் பிரபாஸ் ராமர் வேடத்தில் ராமர் பாலத்தில் நடந்துவருவது போல காணப்படுகிறார். ஆதிபுருஷ் திரைப்படம் பூஷன் குமார் தயாரிப்பில், இயக்குநர் ஓம் ராவத் இயக்கத்தில் உருவாகியது. இதன் போஸ்ட்புரெடக்ஷன் பணிகள் தீவிரமாக நடந்துவருகின்றன. மோசமான கிராபிக்ஸ், விஎஃப்எக்ஸ் உள்ளதாக நெட்டிசன்கள் கலாய்த்து வருகின்றனர்.
இதையும் படிங்க;காந்தரா பட விவகாரம் - கன்னட நடிகர் மீது வழக்குப்பதிவு
