கனிமொழிக்கு ஆதரவாக ஸ்டாலின் வாக்கு சேகரிப்பு! - ஸ்டாலின்

தூத்துக்குடி: திமுக சார்பில் தூத்துக்குடி மக்களவைத் தொகுதியில் போட்டியிடும் கனிமொழிக்கு ஆதரவாக திமுக தலைவர் ஸ்டாலின் வாக்கு சேகரித்தார்.

mk stalin

Published : Apr 10, 2019, 10:01 PM IST

நடைபெற இருக்கும் நாடாளுமன்றத் தேர்தலில் தூத்துக்குடி தொகுதியில் அக்கட்சியின் மகளிரணி செயலாளர் கனிமொழி போட்டியிடுகிறார். அதேபோல், விளாத்திகுளம் நாடாளுமன்றத் தொகுதியில் அக்கட்சியின் சார்பில் ஜெயக்குமார் போட்டியிடுகிறார். இவர்களுக்கு ஆதரவாக அக்கட்சியின் சார்பில் ஏற்பாடு செய்யப்பட்டிருந்த பரப்புரை கூட்டத்தில் அக்கட்சியின் தலைவர் மு.க. ஸ்டாலின் கலந்துகொண்டு வாக்கு சேகரித்தார்.

அப்போது அவர் பேசுகையில், “ஸ்டெர்லைட் நச்சு ஆலையை விரிவு படுத்தக்கூடாது என்பதற்காக தான் இந்த தூத்துக்குடி மக்கள் அமையாதியாக போராடினார்கள். ஆனால், அந்த அப்பாவி மக்களை பழிவாங்கும் பொருட்டு அவர்களை அச்சுறுத்தவே அதிமுக அரசு அவர்களை சுட்டுக் கொலை செய்தனர். ஆகவே, இந்த கொலைகார அரசுகள் தூக்கி எறியப்பட வேண்டும்.

ஸ்டெர்லைட் நிறுவனத்திடம் இருந்து மத்திய பாஜகவும், அதிமுகவும் வாங்கிய நன்கொடைகளுக்காகவே இந்த கொலை சம்பவம் நடந்துள்ளது. எனவே, அப்பாவி மக்கள் 13 பேரை சுட்டுக் கொலை செய்த கொலைகார கூட்டத்துக்கு தேர்தலில் நாம் பாடம் கற்பிக்க வேண்டும்.

இந்த தொகுதியில் டெபாசிட் கிடைக்காமல் தோற்கப்போகும் தமிழிசைக்கு எனது ஆழ்ந்த அனுதாபங்கலைத் தெரிவித்துக்கொள்கிறேன்.

ஆட்சியில் இருந்தபோது மட்டுமின்றி, ஆட்சியில் இல்லாதபோதும் மக்களுக்காக பாடுபடும் ஒரே கட்சி திமுக தான். ஆகவே, கனிமொழிக்கு வாக்களித்து மக்களவைக்கு அனுப்பி வையுங்கள்” என கேட்டுக்கொண்டார்.

தமிழகத்தில் நடைபெற உள்ள நாடாளுமன்ற தேர்தலில் திமுக கட்சி வேட்பாளர்களை ஆதரித்து திமுக தலைவர் மு க ஸ்டாலின் தமிழகம் முழுவதும் சூறாவளி தேர்தல் பிரச்சாரம் மேற்கொண்டு வருகிறார். அதன்படி, தூத்துக்குடி நாடாளுமன்ற தொகுதியில் போட்டியிடும் திமுக வேட்பாளர் கனிமொழி மற்றும் விளாத்திக்குளம் சட்டமன்ற தொகுதி இடைத் தேர்தல் வேட்பாளர் ஜெயக்குமார் ஆகியோரை ஆதரித்து தூத்துக்குடியில் இன்று தேர்தல் பிரச்சார பொதுக்கூட்டம் நடைபெற்றது. இதில் திமுக தலைவர் மு க ஸ்டாலின் கலந்து கொண்டு சிறப்புரையாற்றினார். அப்போது,

தூத்துக்குடியில் பிரச்சாரம் மேற்கொள்வது என்பது தேர்தலுக்காக அல்ல. ஆட்சியில் இருந்தாலும், இல்லாவிட்டாலும் மக்களுக்காக ஓடி,ஓடி உழைக்கும் ஒரு இயக்கம் திமுகதான் என்ற உரிமையில் வாக்கு கேட்பதற்கு வந்திருக்கிறோம்.
அந்த நம்பிக்கையில் கனிமொழி கருணாநிதி உங்களிடத்தில் ஒப்படைக்கப்பட்டிருக்கிறார். அதை உணர்ந்து அவருக்கு அமோக ஆதரவு தந்து தேர்தலில் வெற்றி பெறச் செய்ய வேண்டும். பாராளுமன்றத்தின் 'டைகர்' என பெயர் பெற்ற கனிமொழி கருணாநிதி தேர்தலுக்குப் பின் தூத்துக்குடி பாராளுமன்ற தொகுதியில் உங்களின் டைகராக வலம் வருவார்.
ஸ்டெர்லைட், நீட் தேர்வு, தலித் மாணவர்கள் தாக்கப்படுதல், சாதி மத பாகுபாடு, குலசேகரப்பட்டினத்தில் இரண்டாவது ராக்கெட் ஏவு தளம் அமைத்தல், கல்வியில் பெண்களுக்கு சம உரிமை கோருதல், மசோதா நிறைவேற்றம், பாலியல் துன்புறுத்தல், தமிழர் உரிமை, தமிழர் நலன் உள்பட பல்வேறு விஷயங்களுக்காக கனிமொழி பாராளுமன்றத்தில் கேள்வி எழுப்பியுள்ளார். அவரை தூத்துக்குடி நாடாளுமன்ற தொகுதியின் உறுப்பினராக தேர்ந்தெடுத்து இந்த தொகுதியில் உள்ள பிரச்சனைகளுக்கு பரிகாரம் தேட வேண்டும். மத்தியிலும், மாநிலத்திலும் ஆட்சி மாற்றம் ஏற்பட வேண்டும். இந்த மாற்றம் ஏற்பட ஒரு நாள் அல்ல, ஒரு நிமிடம் அல்ல, ஒரு வினாடியே போதும். அதற்கு மக்களாகிய உங்களின் ஆதரவு வேண்டும்.

தேர்தலில்
தூத்துக்குடி மக்களின் மிக முக்கியமான கடமை ஒன்று உள்ளது. இங்கே ஸ்டெர்லைட் ஆலை கலவரத்தில் 13 உயிர்கள் துள்ளத்துடிக்க காவல்துறையினரால் சுட்டுக் கொல்லப்பட்டனர். அவர்களின் இறப்புக்கு காரணமாக இருந்த ஆட்சியாளர்களுக்கு தண்டனை தர வேண்டிய தருணம் இந்த தேர்தல்.

ஸ்டெர்லைட் நச்சு ஆலையை விரிவு படுத்த கூடாது என்பதற்காக தான் இந்த மக்கள் அமையாதியாக போராடினார்கள். ஆனால் ஸ்டெர்லைட் ஆலைக்கு எதிராக மக்கள் போராட்டத்தை தூண்டக்கூடாது. கிளர்ச்சியில் ஈடுபட கூடாது என்பதற்காக மக்களை பழிவாங்கும் பொருட்டு அவர்களை அச்சுறுத்தவே சுட்டுக் கொலை செய்தனர். ஆகவே இந்த கொலைகார அரசுகள் தூக்கி எறியப்பட வேண்டும்.

ஸ்டெர்லைட் நிறுவனத்திடம் இருந்து மத்திய பாஜகவும், அதிமுகவும் வாங்கிய நன்கொடை களுக்காகவே இந்த கொலை சம்பவம் நடந்துள்ளது. எனவே அப்பாவி மக்கள் 13 பேரை சுட்டுக் கொலை செய்த கொலைகார கூட்டத்துக்கு தேர்தலில் நாம் பாடம் கற்பிக்க வேண்டும்.
ஸ்டெர்லைட் கலவரத்தில் இறந்தவர்களுக்கு ஆறுதல் தெரிவிக்க தமிழக முதலமைச்சர் நேரில் வரவில்லை. அது சார்ந்து ஒரு அறிக்கை கூட விடவில்லை. பிரதமர் நரேந்திர மோடியும் கூட அதுபற்றி இரங்கல் கூட தெரிவிக்காதது ஏன்?. இந்தியாவின் மற்ற வட மாநிலங்களில் நடைபெறும் பிரச்சனைகளுக்கும், துயர சம்பவங்களுக்கும் கவனம் செலுத்தி வருத்தம் தெரிவிக்கும் பிரதமர் மோடி தமிழ்நாட்டினை மட்டும் திட்டமிட்டு புறக்கணிக்கிறார். அதனாலேயே பாஜக அரசை பாசிச அரசு என விமர்சிக்கிறோம்.

தமிழிசை சௌந்தரராஜன், நாடாளுமன்றத் தேர்தலில் போட்டியிட தூத்துக்குடி தொகுதி தான் கிடைத்ததா?. இங்கே உப்பளத் தொழிலாளர்களின் பிரச்சனை, தீப்பெட்டி, பட்டாசு தொழிலாளர்கள் பிரச்சனை, ஸ்டெர்லைட் பிரச்சனை உள்பட பல்வேறு விஷயங்கள் நடந்த பொழுது அதற்கு எதுக்கும் செவிசாய்க்காத அவர் எந்த நம்பிக்கையில் தூத்துக்குடி தொகுதியில் போட்டியிடுகிறார்.
தமிழிசை சவுந்தரராஜன் இந்த தேர்தலில் டெபாசிட் தொகை கிடைக்காத அளவுக்கு தோற்பதற்கு எனது ஆழ்ந்த அனுதாபங்களை தெரிவித்துக் கொள்கிறேன்.

மத்தியிலும் மாநிலத்திலும் காட்டாட்சி நடைபெற்று வருகிறது. பிரதமர் மோடி சர்வாதிகாரியாக செயல்படுகிறார். தமிழகத்தில் உள்ள எடப்பாடி பழனிசாமி உதவாகரையாக செயல்படுகிறார். முதல்வர் எடப்பாடி பழனிசாமி தேர்தல் பரப்புரையின் போது பிரதமர் மோடி கைகளில் தான் இந்த நாடு பாதுகாப்பாக இருக்கிறது என கூறுகிறார். அப்படி எனில் புல்வாமாவில் நமது ராணுவ வீரர்களின் மீது வெடிகுண்டுகள் வைத்து தாக்கப்பட்டனர். இதுதான் பிரதமர் மோடி இந்தியாவை பாதுகாக்கும் லட்சணமா. புள்ளிவிபரங்களின் அடிப்படையில் 2015 ஆம் ஆண்டில் 751 மதக் கலவரங்கள் நடைபெற்றுள்ளன. இதில் 97 பேர் கொலை செய்யப்பட்டுள்ளனர். 2016ஆம் ஆண்டு 703 மதக் கலவரங்கள் நடைபெற்றுள்ளன. 86 பேர் கொலை செய்யப்பட்டுள்ளனர். இதேபோல் 2017 ஆம் ஆண்டு 882 பேர் மதக் கலவரங்கள் நடைபெற்றுள்ளன இதில் 111 பேர் கொல்லப்பட்டுள்ளனர். இந்த மதக்கலவரங்கள் அனைத்தும் பாஜக செல்வாக்கு மிக்க மாநிலங்களாக கருதப்படும் உத்தரப் பிரதேசம், குஜராத், பீகார், மத்திய பிரதேசம், ஆகிய இடங்களில் நிகழ்ந்தவை தான். இதுபோல் தமிழ்நாட்டின் மதக் கலவரத்தை தூண்ட முயற்சிக்கிறார்கள். அதற்கு திமுக ஒருபோதும் அனுமதிக்காது. நான் முதலமைச்சர் எடப்பாடி பழனிசாமி இடம் 3 கேள்விகளைக் கேட்க விரும்புகிறேன்.
1. மறைந்த முன்னாள் முதலமைச்சர் ஜெயலலிதாவின் மரணத்தில் உள்ள மர்மத்திற்கான விடை என்ன?

2. ஜெயலலிதா மரணத்தை தொடர்ந்து கொடநாட்டில் சொகுசு பங்களாவில் ஆவணங்கள் கொள்ளை போன சம்பவம் தொடர்பாக அடுத்தடுத்து 5 கொலைகள் நடைபெற்றுள்ளன இதற்கும் எடப்பாடி பழனிசாமி க்கும் உள்ள தொடர்பு என்ன?

3. பொள்ளாச்சியில் 200க்கும் மேற்பட்ட பெண்களை 7 ஆண்டுகளாக பாலியல் வன்புணர்வு செய்த சம்பவத்திற்கு என்ன பதில் சொல்லப்போகிறார்?.

இந்த சம்பவங்கள் அனைத்திற்கும் ஆளுங்கட்சியின் பின்புலமே காரணமாக உள்ளது. இதில் பாதிக்கப்பட்டவர்கள் அனைவரும் பெண்கள் தான். தற்போது கண்துடைப்புக்கு தற்போது விசாரணை என்ற பெயரில் நடத்தி வருகின்றனர். தமிழகத்தில் சட்டம் ஒழுங்கு சீர்கெட்டு உள்ளது.

தமிழகத்தில் உள்ள மைனாரிட்டி அதிமுக ஆட்சிக்கு மோடிதான் முதுகெலும்பாக இருந்து அதற்கு முட்டுக்கொடுத்து நிற்கிறார். வருகிற ஜூன் 3-ம் தேதி தலைவர் கலைஞரின் பிறந்தநாள் அன்று மத்தியிலும்,மாநிலத்திலும் புதிய ஆட்சி மலரும்.

கடந்த 5 வருடங்களில் 10 கோடி பேருக்கு 10 கோடி இளைஞர்களுக்கு வேலை வாய்ப்பு அளிப்போம் என கூறிய மத்திய பாஜக அரசினர் கடந்த 5 ஆண்டு கால ஆட்சியில் இளைஞர்களுக்கு எந்தவித வேலை வாய்ப்பையும் ஏற்படுத்தி தரவில்லை. பாஜக ஆட்சிக்கு வந்தால் ஒவ்வொருவரின் வங்கி கணக்கிலும் 15 லட்சம் போடப்படும் எனக் கூறினர். அது வரும் ஆனா வராது. பாஜகவின் தேர்தல் அறிக்கையில் மாநில சுயாட்சி பற்றியோ, நீட் தேர்வு பற்றியோ, இளைஞர்களுக்கு வேலைவாய்ப்பை பற்றியோ எந்தவித அறிவிப்பும், எந்தவித திட்டமிடலும் இல்லை. கடந்த தேர்தலைப் போலவே இந்த தேர்தல் அறிக்கையிலும் கனவுகளை மட்டுமே சொல்லி உள்ளார்.
மத்திய பாஜக அரசு கற்பனை, கனவு, காகிதம் என செயல்படுகிறது. மாநில அரசு கரெப்சன், கலெக்ஷன், கனெக்ஷன் எனும் வகையில் செயல்பட்டு கொண்டிருக்கிறது. இதில் ஒரு வேடிக்கை என்னவென்றால் மத்திய பாஜக பாஜக தேர்தல் அறிக்கையில் மக்கள் தேவைகள் அனைத்தும் பூர்த்தி நிறைவேற்றப்படும் எனகூறியிருக்கின்றனர். உண்மையில் மக்களின் விருப்பம் மோடி அரசை வீட்டுக்கு அனுப்ப வேண்டும் என்பதே அதை நிச்சயம் இந்த தேர்தல் செய்து கொடுக்கும். திமுக ஆட்சிக்கு வந்தவுடன் தூத்துக்குடியின் தலையாய பிரச்சனையான ஸ்டெர்லைட் ஆலையை மூடுவதற்கு அரசு கொள்கை முடிவு எடுத்து அறிவித்து ஸ்டெர்லைட் ஆலையை நிரந்தரமாக மூடுவோம். ஸ்டெர்லைட் ஆலை கலவரத்திற்கு சம்பந்தப்பட்ட காவல்துறையினர் மீது உரிய நடவடிக்கை எடுப்போம். தூத்துக்குடி மாவட்டத்தில் புதிதாக அகழாய்வுப் பணிகள் மேற்கொள்ள நடவடிக்கை எடுக்கப்படும். மத்திய மாநில அரசின் பங்களிப்புடன் செயல்படுத்தப்படும் அனுமின் திட்டங்கள் யாவும் சம்பந்தப்பட்ட பகுதி மக்களின் ஒப்புதல் பெற்ற பிறகே செயல்படுத்தப்படும். அணு மின் நிலையத்தில் உற்பத்தி செய்யப்படும் மின்சாரம் அனைத்தும் தமிழகத்திற்கே முழுமையாக பயன்படும் படியாக நடவடிக்கைகள் மேற்கொள்ளப்படும். குலசேகரப்பட்டினத்தில் நாட்டின் 2-வது ராக்கெட் ஏவுதளம் அமைத்திட நடவடிக்கை எடுக்கப்படும். தூத்துக்குடி விமான நிலையத்தை சர்வதேச பன்னாட்டு முனையமாக மாற்ற நடவடிக்கை எடுப்போம் கடல் வாணிபம் பெருகிட சேது சமுத்திர திட்டத்தை நிறைவேற்றுவோம். உப்பள தொழிலாளர்களை பாதுகாக்க தனி ஆணையம் அமைக்கப்படும். மீனவர்களுக்கு என்று தனி அமைச்சகம் ஏற்படுத்தப்படும். பெண்களின் முன்னேற்றத்திற்காக 50 ஆயிரம் ரூபாய் வட்டியில்லாத கடனாக வழங்கப்படும். மாணவர்களின் கல்விக் கடன்கள் அனைத்தும் தள்ளுபடி செய்யப்படும். விவசாயிகளின் கடன்கள் அனைத்தும் தள்ளுபடி செய்யப்படும் என கூறினார்.

For All Latest Updates