புதுச்சேரி காமராஜர் நகர் தொகுதிக்குள்பட்ட பகுதியான பாலாஜி நகரில் காங்கிரஸ் கட்சியின் தேர்தல் அலுவலகம் திறக்கப்பட்டுள்ளது. இந்தத் திறப்பு விழாவிற்கு பிறகு செய்தியாளர்களுக்கு பேட்டியளித்த மாநில காங்கிரஸ் கட்சித் தலைவர் நமச்சிவாயம் கூறுகையில், ”புதுவை காமராஜ் நகர் தேர்தல் பணிக்காக காங்கிரஸ்-திமுக கூட்டணி கட்சியினர் தொகுதியில் வீடு வீடாகச் சென்று மக்களிடையே வாக்கு சேகரித்து வருகிறோம். காங்கிரஸ் வேட்பாளர் வெற்றி வாய்ப்பு பிரகாசமாக இருக்கிறது; தொகுதி மக்கள் அனைவரும் கை சின்னத்துக்கு வாக்களிக்க தயாராகிவிட்டனர்” எனத் தெரிவித்தார்.
புதுச்சேரி மாநில காங்கிரஸ் தலைவர் நமச்சிவாயம்
