நாகை மக்களவைத் தொகுதி மக்கள் நீதி மய்யம் கட்சி வேட்பாளர் குருவைய்யா மற்றும் திருவாரூர் சட்டப்பேரவைத் தொகுதி வேட்பாளர் அருண் சிதம்பரம் ஆகியோரை ஆதரித்து, அக்கட்சியின் தலைவர் கமல்ஹாசன் பரப்புரை மேற்கொண்டார். அப்போது அவர் பேசுகையில், ”தமிழ்நாட்டில் எங்கு பார்த்தாலும் குப்பை கிடைக்கிறது. ஆனால் குடிநீர் மட்டும் கிடையாது.
விவசாயம் நடக்கும் இடத்தில் தங்கமும், வைரமும் கிடைத்தால் அதை தோண்டி எடுக்கக் கூடாது. ஏனென்றால் அதை சாப்பிட நம்மால் முடியாது. அது புரியாமல் இங்கு மீத்தேன் எடுக்கிறேன் என்று கூறிக்கொண்டு விவசாயத்தை அழித்து வருகின்றனர். முதலாளித்துவத்தோடு செயல்படும் மத்திய, மாநில அரசுகள் அகற்றப்பட வேண்டும்.
எங்களுக்கும் கரை வேட்டி கட்ட வேண்டும் என்று ஆசை உள்ளது. ஆனால் அவர்களைப் போல் எங்களை எண்ணிவிடுவார்களோ என்றுதான் வேறு உடையில் வருகிறோம்” என்றார்.
