நடைபெற உள்ள 16ஆவது சட்டப்பேரவைக்கான பொதுத்தேர்தல் வரும் ஏப்ரல் 6ஆம் தேதி நடைபெற உள்ள நிலையில் இதற்கான வேட்புமனு தாக்கல் கடந்த 12ஆம் தேதி தொடங்கி 19 ஆம் தேதி முடிவடைந்தது. இந்நிலையில், இன்று தேர்தலில் போட்டியிடும் இறுதி வேட்பாளர் பட்டியல் வெளியிடப்பட்டது. விருதுநகரில் 18 பேர் களத்தில் உள்ளனர்.
விருதுநகர் சட்டப்பேரவைத் தொகுதிக்கு மொத்தம் 31 பேர் மனுத்தாக்கல் செய்தனர். இதில் வேட்புமனு பரிசீலனையில் 11 மனுக்கள் தள்ளுபடி செய்யப்பட்டது. இதில், இருபது பேரில் இரண்டு பேர் வாபஸ் பெற்றனர்.
தற்போது திமுக,பாஜக,அமமுக,நாம் தமிழர், சமத்துவ மக்கள் கட்சி, தேச மக்கள் முன்னேற்றக் கழகம், நாம் இந்தியர் கட்சி ஆகிய கட்சியைச் சேர்ந்த வேட்பாளர்கள் தவிர 11 சுயேச்சைகள் சேர்த்து மொத்தம் 18 பேர் களத்தில் உள்ளனர். சாத்தூரில் 27 வேட்பாளர்கள் களத்தில் உள்ளனர்.
சாத்தூர் சட்டப்பேரவைத் தொகுதிக்கு மொத்தம் 40 பேர் மனுத்தாக்கல் செய்தனர். இதில், வேட்புமனு பரிசீலனையில் 13 மனுக்கள் தள்ளுபடி செய்யப்பட்டது. தற்போது மதிமுக., அதிமுக., அமமுக., நாம் தமிழர், இந்திய ஜனநாயக கட்சி, புதிய தமிழகம், பகுஜன் திராவிடக் கட்சி, உள்ளிட்ட 10 கட்சி வேட்பாளர்கள் உட்பட 17 சுயேச்சை வேட்பாளர்கள் சேர்த்து மொத்தம் 27 வேட்பாளர்கள் களத்தில் உள்ளனர்.
ராஜபாளையம் (202)
தகுதியான வேட்பாளர்கள் -25
திரும்பப்பெறப்பட்டது -11
இறுதி வேட்பாளர்கள்-14
ஸ்ரீவில்லிபுத்தூர் (203)
தகுதியான வேட்பாளர்கள் -23
திரும்பப் பெறப்பட்டவை -8
இறுதி வேட்பாளர்கள் -15
ஆண்- 10
பெண் - 5
சாத்தூர் (204)
தகுதியான வேட்பாளர்கள் - 27
இறுதி வேட்பாளர்கள் - 27
ஆண் வேட்பாளர்கள் - 26
பெண் வாக்காளர்கள் - 1
சிவகாசி (205)
தகுதியான வேட்பாளர்கள் - 31
திரும்பப்பெறப்பட்டது - 5
இறுதி வேட்பாளர்கள் - 26
ஆண் வேட்பாளர்கள்- 21
பெண் வேட்பாளர்கள் - 5
விருதுநகர் (206)
தகுதியான வேட்பாளர்கள்- 20
திரும்பப் பெறப்பட்டது- 2
இறுதி வேட்பாளர்கள் -18
அருப்புக்கோட்டை (207)
தகுதியான வேட்பாளர்கள் - 30
திரும்பப் பெறப்பட்டது - 1
இறுதி வேட்பாளர்கள் - 29
ஆண் வேட்பாளர்கள் - 26
பெண் வேட்பாளர்கள் -3
திருச்சுழி (208)
தகுதியான வேட்பாளர்- 21
திரும்பப் பெறப்பட்டது - 1
இறுதி வேட்பாளர்கள் -20
ஆண் வாக்காளர்கள் -17
பெண் வாக்காளர்கள் - 3
விருதுநகர் மாவட்டத்தில் இறுதி வேட்பாளர்கள் மொத்தம் - 149
இதில்
ஆண் வாக்காளர்கள் - 132
பெண் வாக்காளர்கள் - 17
இதில் கே.டி.ராஜேந்திர பாலாஜி, வைகைச்செல்வன், கே.கே.எஸ்.எஸ்.ஆர் ராமச்சந்திரன், தங்கம் தென்னரசு என அதிமுக அமைச்சர்கள் இருவர்; திமுக அமைச்சர்கள் இருவர் என நான்கு அமைச்சர்கள் இந்த மாவட்டத்தில் தேர்தல் களத்தில் போட்டியிடுகின்றனர்.
மேலும், அதிமுக கூட்டணியில் அருப்புக்கோட்டையில் வைகைச்செல்வன், சிவகாசியில் இருந்த கே.டி.ராஜேந்திர பாலாஜி, ராஜபாளையத்திலும், போட்டியிடுகின்றனர். இவ்விருவரைத் தவிர சிவகாசி, சாத்தூர், ஸ்ரீவில்லிப்புத்தூர் ஆகிய 3 தொகுதியில் புதிய அறிமுக வேட்பாளர்களும் விருதுநகர், திருச்சுழியில் கூட்டணி கட்சியான பாரதிய ஜனதா மற்றும் மூவேந்தர் முன்னேற்றக் கழக வேட்பாளர்களும் புதுமுகங்களாக களம் இறங்கியுள்ளனர்.
திமுகவில் அருப்புக்கோட்டை- கே.கே.எஸ்.எஸ்.ஆர். ராமச்சந்திரன், திருச்சுழி- தங்கம் தென்னரசு,
ராஜபாளையம் - தங்கப்பாண்டி, விருதுநகர்- ஏ.ஆர்.ஆர். சீனிவாசன் என 4 பேர் கடந்த முறை வெற்றி பெற்ற வேட்பாளர்களே மீண்டும் அதே தொகுதியில் போட்டியிடுகின்றனர்.
ஸ்ரீவில்லிப்புத்தூர், சிவகாசி கூட்டணிக் கட்சியான காங்கிரஸ் கட்சி வேட்பாளர்களும் சாத்தூரில் மதிமுக வேட்பாளரும் புதுமுக வேட்பாளராகப் போட்டியிடுகின்றனர்.
இதையும் படிங்க: வாக்குறுதிகள் காகிதத்தில் தேங்காமல் களத்திற்கு வர வேண்டும்
