திருச்சி மாவட்டம் திருவள்ளுவர் பேருந்து நிலையம் அருகில் உள்ள உப்பு சத்தியாகிரகம் நினைவுத் தூணில் வைக்கப்பட்டிருந்த காந்தியடிகள் உருவப்படத்திற்கு, அன்பில் மகேஷ் மலர்த்தூவி மரியாதை செலுத்தினார்.
இதையடுத்து செய்தியாளரைச் சந்தித்த அன்பில் மகேஷ் கூறுகையில், ”நவம்பர் 1ஆம் தேதி முதல் ஒன்றாம் வகுப்பு முதல் எட்டாம் வகுப்புகளுக்கான பள்ளிகள் திறப்பில் எந்த மாற்றமும் இல்லை. திட்டமிட்டபடி பள்ளிகள் திறக்கப்படும்.
பள்ளிகள் திறப்பு குறித்து முதலமைச்சர் மு.க. ஸ்டாலின் சொன்னது ஒன்றுதான், 'இது குழந்தைகள் உடல்நலம் சம்பந்தப்பட்ட விஷயம் என்பதால் மருத்துவக் குழு என்ன சொல்கிறார்களோ அதை முழுமையாகக் கடைப்பிடிப்போம' என்று கூறினார்.
மருத்துவக் குழுவும் பள்ளிகளைத் திறக்க அனுமதி வழங்கிவிட்டது. எனவே பள்ளிகள் திறப்பது உறுதி" எனத் தெரிவித்தார்.
இதையும் படிங்க: 'நவம்பர் 1ஆம் தேதி பள்ளிகள் திறப்பு உறுதி'
