தமிழ்நாடு முழுவதும் உள்ள பட்டியிலனத்தைச் சேர்ந்த ஏழு பிரிவுகளை உள்ளடக்கி தேவேந்திர குல வேளாளர் என்ற பெயரில் அரசாணை வெளியிடக்கோரி அந்த சமூகத்தைச் சேர்ந்த பொதுமக்கள் தொடர் போராட்டம் நடத்திவருகின்றனர்.
இந்நிலையில் இந்த கோரிக்கையை வலியுறுத்தி புதிய தமிழகம் கட்சி சார்பில் திருநெல்வேலி மாவட்டத்தில் இன்று (அக். 6) உண்ணாவிரதப் போராட்டம் நடைபெற்றது. நெல்லை ஊருடையான் குடியிருப்பு பகுதியில் நடைபெற்ற இந்த போராட்டத்தில் 50க்கும் மேற்பட்டோர் உண்ணாவிரதத்தில் ஈடுப்பட்டுவருகின்றனர். அதேபோல், நெல்லை சுத்தமல்லி உள்ளிட்ட பல்வேறு இடங்களில் இந்த உண்ணாவிரத போராட்டம் நடைபெற்றுவருகிறது.
மத்திய, மாநில அரசுகள் உடனடியாக நடவடிக்கை எடுத்து தேவேந்திர குல வேளாளர் அரசாணை வெளியிட வேண்டும் பட்டியலினத்திலிருந்து தங்களை வெளியேற்ற வேண்டும் ஆகிய கோரிக்கைகளை வலியுறுத்தி வருகின்றனர்.
இதையே போன்று, பெரம்பலூரில் புதிய தமிழகம் கட்சி சார்பில் தேவேந்திரகுல வேளாளர் பட்டியலினத்திலிருந்து வெளியேற்றி, மிகவும் பிற்படுத்தப்பட்டோர் பட்டியலில் இணைக்க வலியுறுத்தி உண்ணாவிரதம் இருக்க முயன்ற 100க்கும் மேற்பட்டோரை காவல் துறையினர் கைது செய்தனர். இதனால் அங்கு பரபரப்பு ஏற்ப்பட்டது.
இதையும் படிங்க...தமிழ்நாடு அரசியலில் பரபரப்பு: ஓ.பிஎஸ்-ஐ சந்தித்த அமைச்சர்கள்!
