'11க்கு 9' - சேலம் மாம்பழத்தை முழுவதுமாக ருசிக்கும் அதிமுக?

சேலம்: மாவட்டத்தில் உள்ள 11 சட்டப்பேரவைத் தொகுதிகளில் 9 தொகுதிகளில் அதிமுக வேட்பாளர்கள் முன்னிலை வகித்துவருகின்றனர்.

சேலம் மாவட்டத்தில் உள்ள 11 சட்டப்பேரவை தொகுதிகளிலுக்கான வாக்கு எண்ணிக்கை பணி தீவிரமாக நடைபெற்றுவருகிறது. தற்போது இரண்டாவது சுற்றுகள் அனைத்தும் முடிவடைந்த நிலையில் மூன்றாவது, நான்காவது சுற்றுகள் நடைபெற்றுக் கொண்டிருக்கின்றன.

இந்தச் சுற்றுகளில் அதிமுக வேட்பாளர்கள், கூட்டணிக் கட்சி வேட்பாளர்கள் அதிக இடங்களில் முன்னிலை வகிக்கின்றனர்.

11-க்கு 9:

சேலம் தெற்கு, வீரபாண்டி, ஆத்தூர், கெங்கவல்லி, எடப்பாடி. ஏற்காடு, ஓமலூர் ஆகிய சட்டப்பேரவைத் தொகுதிகளில் அதிமுக வேட்பாளர்கள் முன்னிலையில் உள்ளனர். மேலும் அதிமுக கூட்டணிக் கட்சியைச் சேர்ந்த பாட்டாளி மக்கள் கட்சி வேட்பாளர்கள் சேலம் மேற்கு தொகுதியிலும் மேட்டூர் தொகுதியிலும் முன்னிலையில் உள்ளனர் .

இதில் சேலம் வடக்கு, சங்ககிரி தொகுதியில் திமுக வேட்பாளர்கள் முன்னிலையில் உள்ளனர் .

'எடப்பாடி என் கோட்டை' - காலரை கெத்தாக தூக்கிவிட்ட முதலமைச்சர்

எடப்பாடி தொகுதியில் போட்டியிடும் முதலமைச்சர் எடப்பாடி பழனிசாமி நான்காவது சுற்று முடிவில் திமுக வேட்பாளரைவிட சுமார் 14 ஆயிரம் வாக்குகள் பெற்று முன்னிலையில் உள்ளார்.

தொடர்ந்து வாக்கு எண்ணிக்கை நடைபெற்றுவருகிறது.