இது தொடர்பாக, கொல்கத்தாவில் உள்ள நேஷனல் இன்சூரன்ஸ் நிறுவன மேலாண் இயக்குநர் தஜிந்தர் முகர்ஜிக்கு அவர் எழுதியுள்ள கடிதத்தில், ”உங்கள் நிறுவன பாலிசிதாரர்களுக்கு அனுப்பப்படும், பாலிசி புதுப்பித்தல் நினைவூட்டல் கடிதங்கள் இந்தியிலும், ஆங்கிலத்திலும் உள்ளதால், வாடிக்கையாளர்களுக்கு கடிதத்தை முழுமையாக புரிந்து கொள்ள முடியவில்லை.
தமிழ்நாட்டிலுள்ள பெரும்பான்மை மக்களுக்கு இந்தி தெரியாது. இதனால்தான் 1963 இல் அன்றைய பிரதமர் நேருவால், அலுவல் மொழிச்சட்டம் தமிழக மக்கள் மீது திணிக்கப்படாது என்ற உறுதி மொழி தரப்பட்டது. ஆனால் தங்கள் நிறுவனம், நினைவூட்டல் கடிதங்களையும், பாலிசி பத்திரங்களையும் வாடிக்கையாளர்களின் உணர்வுகளை, தேவைகளை புறக்கணித்து இந்தியிலும், ஆங்கிலத்திலும் அனுப்புவது வருத்தமளிக்கிறது.
மற்ற மத்திய அரசு நிறுவனங்கள் கூட கடைப்பிடிக்காத ஒரு நடைமுறையை, எதற்காக நேஷனல் இன்சூரன்ஸ் நிறுவனம் துவங்கியுள்ளது என ஆச்சரியமாக உள்ளது. சில நிறுவனங்களில், பாலிசிதாரர்கள் விரும்பினால் மட்டுமே இந்தியில் படிவங்களும், ஆவணங்களும் கிடைப்பதற்கு வழி செய்யப்பட்டுள்ளது. அங்கெல்லாம் இது முழுக்க வாடிக்கையாளர் தெரிவாகவே உள்ளது. ஆகவே, இந்தி பயன்படுத்துவதை நிறுத்தி, படிவங்களில் தமிழ் உள்ளிட்ட மாநில மொழிகள் இடம் பெறுவதை உறுதி செய்யுமாறு வேண்டுகிறேன் “ எனக் குறிப்பிட்டுள்ளார்.
இதையும் படிங்க: தொல்லியல் துறையில் தமிழ் புறக்கணிப்பு - அவசர வழக்காக நாளை விசாரணை
