மதுரை மார்க்சிஸ்ட் கம்யூனிஸ்ட் எம்.பி. சு.வெங்கடேசன் பிரதமர் நரேந்திர மோடிக்கு எழுதியுள்ள கடிதத்தில், 12 கேள்விகளை முன்வைத்துள்ளார்.
மேலும் கரோனோ வைரஸ் பாதிப்பைக் கையாளுவது குறித்து சீன அதிபர் ஜி ஜின்பிங்கிடம் கருத்துகளை கேட்டறிய வேண்டும் என்றும் வலியுறுத்தியுள்ளார்.
அந்தக் கடிதத்தில், அமெரிக்க அதிபர் ட்ரம்ப், சீனப் பிரதமர் ஜி ஜின்பிங்குடன் எவ்வாறு விரிவான பேச்சுவார்த்தை நடத்தினார் என்பதையும், கரோனா வைரஸை சீனா எவ்வாறு முழுமையாகக் கட்டுப்படுத்தியது என்பதையும் அறிய வேண்டும். இதற்கு இந்திய பிரதமர் சீன அதிபருடன் பேச்சுவார்த்தை நடத்த வேண்டும்
இங்கிலாந்து, அமெரிக்கா போன்ற நாடுகளில் மருத்துவ வல்லுநர்கள் மற்றும் ஆராய்ச்சியாளர்கள் ஏகமனதாக பரிந்துரைத்திருப்பது வெளிப்படைத்தன்மை மற்றும் பிற நாடுகள் எதிர்கொள்ளும் மருத்துவ அவசரகால அனுபவங்களைப் பகிர்ந்து கொள்வது.
இந்தியாவில் வெளியிடப்பட்ட புள்ளிவிவரங்கள் உண்மையா? விரிவான சோதனைகள் செய்ய இந்தியா இன்னும் ஏன் தயங்குகிறது? மீண்டும் மீண்டும் சோதனை செய்வது மிக முக்கியமானது என்று ஏற்கனவே பல நாடுகள் கூறுகின்றன. ஆனால் இங்கு பலருக்கு சோதனை தேவையில்லை என்று நாம் ஏன் இன்னும் பாசாங்கு செய்கிறோம்? ஜப்பானும் தென் கொரியாவும் பரிசோதனையின் மூலம் பரவலைக் கட்டுப்படுத்த முடிந்தது என்பது உங்களுக்குத் தெரியாதா?
அண்டை நாட்டில் ஒவ்வொரு பத்து லட்சம் பேருக்கு ஆறாயிரத்து 800 நபர்களை சோதிக்கும்போது, நாம் 18 பேரை மட்டுமே சோதிக்கிறோம். ஆரம்பத்தில் அனைவரையும் சோதிக்க வேண்டிய அவசியமில்லை என்று கூறிய நிலைப்பாடு மாற்றப்பட்டுள்ளது.
நமக்கு போதுமான கருவிகள் கூட இல்லை. ஆகவேதான் மருத்துவ பரிசோதனைகள் தாமதிக்கப்படுகிறா? இந்தியாவில் 25 கோடி மக்கள் பாதிக்கப்படலாம். 25 லட்சம் பேர் நோய்வாய்ப்படுவார்கள் என்ற ஜான் ஹாப்கின்ஸ் பல்கலைக்கழக வல்லுநர்களின் கணிப்புகள் உங்களுக்கு தெரியவில்லை?
மருத்துவர்கள், மருத்துவமனைகள், மருத்துவ உபகரணங்கள் உள்ளிட்டவற்றை அறிந்துக் கொள்ளும் வகையில் இங்கு தொடர்பு எண்கள் கூட இல்லை. அந்த வகையில் இந்த ஆராய்ச்சிகள் அர்த்தமற்றது என நாம் புறக்கணிக்க போகிறோமா? இந்த மிக முக்கிய பிரச்னைகளில் நாம் மௌனமாக உள்ளோம்.
இதிலிருந்து நாம் என்ன ஊகிக்கிறோம்? மற்ற நோய்களில் போதுமான கவனம் செலுத்தாமல் இருப்பது மற்றும் அவற்றுக்கான வெளிநோயாளி வார்டுகளை மூடுவது ஆபத்தானதல்லவா? வாழ்க்கை முறை நோய்களால் ஏற்படும் இறப்புகளை விட நான்கு மடங்கு அதிகம் காய்ச்சலால் ஏற்படுகிறது.
தனியார் மருத்துவமனைகள் முதல் கட்டத்தை எடுக்க தயங்குகின்றன என்பது வெளிப்படையானது. அவை சம்பந்தப்பட்ட ஒரு திட்டம் உருவாக்கப்பட்டிருக்க வேண்டும். தமிழகத்தில், அரசாங்கத்தில் 1,750 வென்டிலேட்டர்கள் இருந்தால், தனியார் மருத்துவமனையில் 465 உள்ளன.
தனியார் மருத்துவமனைகளில் மூன்றில் ஒரு பங்கு இருந்தால், உள்கட்டமைப்பு மற்றும் வலிமை, அவை கரோனாவுக்கு எதிரான அரசாங்கத்தின் செயல் திட்டத்திற்குள் கொண்டுவரப்பட வேண்டாமா?
மக்களின் நம்பிக்கையை அதிகரிப்பதற்காக நோய் எதிர்ப்பு சக்தி அதிகரிக்கும் திரவங்களான நிலவேம்பு குடிநீர் அல்லது ஆயுர்வேத காபி தண்ணீர் உள்ளிட்டவற்றை நாடு முழுவதும் விநியோகிக்க நடவடிக்கை எடுக்க வேண்டும்.
இவ்வாறு சு. வெங்கடேசன் பிரதமருக்கு எழுதியுள்ள கடிதத்தில் வலியுறுத்தியுள்ளார்.
இதையும் படிங்க: வாய்ஸ் காலை இலவசமாக்குங்கள்' - பிரியங்கா காந்தி கோரிக்கை!
