மதுரை மாட்டுத்தாவணி அருகே உள்ள ஒருங்கிணைந்த மலர் சந்தையில் சுமார் 150-க்கும் மேற்பட்ட கடைகள் உள்ளன. நாளொன்றுக்கு சராசரியாக 30 டன்னுக்கும் மேலாக பூக்கள் விற்பனை செய்யப்படுகின்றன.
தற்போது கரோனா பொது முடக்கம் என்பதால் உற்பத்தி செய்யப்பட்ட மலர்களுக்கு தற்போது போதிய விலை இல்லாததாலும், செடிகளை பராமரிக்காததாலும் பூக்கள் வரத்து பெருமளவு குறைந்துள்ளது. பூக்கள் சீசனின்போது மதுரை மல்லிகை கிலோ ரூபாய் 2500-க்கும் மேல் விற்பனையாகி விலை உச்சத்தில் இருக்கும்.
தற்போது ரூ.200-க்கு விற்பனை செய்யப்பட்டு வருகிறது. ஆனால் பூக்கள் வாங்க பொதுமக்கள் ஆர்வமும் மிகக் குறைந்து காணப்படுகிறது. சம்பங்கி ரூ.30, அரளி ரூ.100, செவ்வந்தி, மரிக்கொழுந்து மலர்கள் தலா ரூ.50-க்கும் இன்று விற்பனை செய்யப்பட்டன.
மதுரை மலர்சந்தையில் வியாபாரம் மந்தம்
