ஈரோடு மாவட்டம் சத்தியமங்கலத்தை அடுத்துள்ள அடர்ந்த வனப்பகுதியில் திம்பம் மலைப்பாதை அமைந்துள்ளது. சத்தியமங்கலம் - மைசூரு தேசிய நெடுஞ்சாலையில் உள்ள இம்மலைப்பாதை வழியாகவே கர்நாடகா - தமிழ்நாடு மாநிலங்களுக்கிடையேயான போக்குவரத்து இருந்துவருகிறது.
கடந்த சில நாள்களாகவே இப்பகுதியில் தொடர்மழை பெய்துவருகிறது. இந்நிலையில் இன்று திம்பம், ஆசனூர் சுற்றுவட்டாரப் பகுதிகளில் கடும் பனி மூட்டம் நிலவிவருகிறது.
இதன் காரணமாக சாலையில் எதிரே வரும் வாகனங்கள் தெரியாததால் வாகன ஓட்டிகள் மஞ்சள் நிற முகப்பு விளக்குகளை எரியவிட்டபடி வாகனங்களை மெதுவாக இயக்குகின்றனர். இதனால் இருமாநில போக்குவரத்து பாதிக்கப்பட்டுள்ளதால் பனி மூட்டம் விலகிய பின்னே போக்குவரத்து சீராகும் என வாகன ஓட்டிகள் தெரிவித்துள்ளனர்.
இதையும் படியுங்க:
‘மழையை எதிர்கொள்ள முன்னெச்சரிக்கை நடவடிக்கைகள் தயார்’ - சந்தீப் நந்தூரி
