ஈரோடு: பவானியில் காவிரி ஆற்றில் ஏற்பட்ட வெள்ளப்பெருக்கால் கந்தன் பட்டறை , பசுவேஷர் நகர் போன்ற பகுதிகளில் 200 க்கும் மேற்பட்ட வீடுகளில் வெள்ளம் புகுந்தது. அப்பகுதி மக்களை எதிர்க்கட்சித்தலைவர் எடப்பாடி பழனிசாமி சந்தித்து ஆறுதல் தெரிவித்து நிவாரண பொருட்களை வழங்கினார்.
அப்பொழுது, பொதுமக்கள் மத்தியில் பேசிய எடப்பாடி பழனிசாமி , ”ஆட்சியில் இருந்தாலும் , இல்லாவிட்டாலும் மக்கள் சேவை செய்வதில் என்றுமே அதிமுக சளைத்தது கிடையாது. என்றும் எம.ஜி.ஆர் வழியில் நடந்து வருகிறோம். அதன் காரணமாகவே மக்களுக்கு நிவாரண பொருட்களை வழங்கி வருகிறோம்.
மக்களுக்கு நிவாரண உதவிகளை வழங்குவதில் கூட பாரபட்சமாக திமுக நடந்து கொள்கிறது. மக்களையே பார்க்காத ஓரே அரசு திமுக அரசு தான், ஆனால் அதிமுக என்றும் மக்களுக்கு துணை நிற்கும்”, என தெரிவித்தார்.
இதையும் படிங்க: விவசாயிகள் பயனடையும் திட்டங்கள் கிடப்பில் போடப்பட்டுள்ளது - எடப்பாடி பழனிசாமி குற்றச்சாட்டு
