கோவை மாவட்டம் அன்னூர் அடுத்துள்ள கெம்பநாயக்கன்பாளையம் கிராமத்தில் ஆண்டுதோறும் ரேக்ளா பந்தயம் நடத்துவது வழக்கம். அதேபோல் இந்தாண்டு நாட்டு மாடுகள் பூட்டப்பட்ட இரட்டை மாட்டு வண்டிகளில் ரேக்ளா பந்தயம் நடத்தப்பட்டது.
பெரியபுத்தூர் செல்லாண்டியம்மன் கோயிலிலிருந்து கெம்பநாயக்கன்பாளையம் கிராமம் வரை ஐந்து கிலோமீட்டர் தொலைவிற்கு நடத்தப்பட்ட இப்போட்டியில் 30-க்கும் மேற்பட்ட இரட்டை மாட்டுவண்டிகள் கலந்துகொண்டன. உள்ளூர் இளைஞர்கள் கலந்துகொண்டு மிகுந்த உற்சாகத்தோடு போட்டிபோட்டு வண்டிகளை ஒட்டிச்சென்றனர்.
TVS iQube Electric : டிவிஎஸ் மோட்டார்ஸ் நிறுவனத்தின் முதல் மின்சார ஸ்கூட்டர்!
சிறிய காளைகள், பெரிய காளைகள் என நடத்தப்பட்ட போட்டியில், சிறிய காளைப் பிரிவில் விளவை பகுதியைச் சேர்ந்த விஸ்வா, சுரேஸ் ஆகியோரும், பெரிய காளைப் பிரிவில் கோவில்பாளையம் பகுதியைச் சேர்ந்த முத்துக்குமாரும் வெற்றிபெற்றனர்.
இவர்களுக்கு கிராம மக்கள் சார்பிலும், கட்சிசார்பற்ற தமிழ்நாடு விவசாயிகள் சங்கம் சார்பிலும் பரிசு கோப்பைகளும், பணமுடிப்பும் வழங்கப்பட்டன.
