கோவை மதுக்கரை மரப்பாலம் பகுதியைச் சேர்ந்தவர் சக்திவேல். இவரது மகன் ஜெகநாதன் (19). தனியார் நிறுவனத்தில் வேலை செய்து வந்தார். இவர் உறவினரான பள்ளி மாணவி ஒருவரை தனது இருசக்கர வாகனத்தில் பள்ளிக்கு அழைத்து சென்றுள்ளார்.
குவாரி அலுவலகம் அருகே வரும் போது திடீரென கார் ஒன்று சாலையின் குறுக்கே வந்துள்ளது, இதனால் ஜெகநாதன் இருசக்கர வாகனத்தை நிறுத்த முயன்றுள்ளார், அப்போது கட்டுப்பாட்டை இழந்ததில் இருசக்கர வாகனம் கார் மீது மோதி தூக்கி வீசிப்பட்டது.
இதில் இருசக்கர வாகனத்தில் வந்த இருவரும் படுகாயமடைந்தனர். அங்கிருந்தவர்கள் அவர்களை மீட்டு அரசு மருத்துவமனைக்கு அனுப்பி வைத்தனர். ஜெகநாதன் தலையில் பலத்த காயம் ஏற்பட்டதால் மருத்துவமனைக்குச் செல்லும் வழியிலேயே பரிதாபமாக உயிரிழந்தார்.
இந்த விபத்து அங்கு பொருத்தப்பட்டிருந்த சிசிடிவி கேமராவில் பதிவானது, அந்த காட்சிகளை கொண்டு மதுக்கரை காவல்துறையினர் கார் ஓட்டுநர் வெள்ளியங்கிரி மீது வழக்குப்பதிவு செய்து விசாரணை செய்து வருகின்றனர்.
இதையும் படியுங்க: அஸ்ஸாமில் கார் விபத்து: எட்டு பேர் உயிரிழப்பு!
