தமிழ்நாடு, புதுச்சேரியில் நடைபெறும் பல்வேறு நிகழ்ச்சிகளில் பங்கேற்பதற்காக மத்திய உள் துறை அமைச்சர் அமித் ஷா விமானம் மூலம் நள்ளிரவில் (பிப். 28) சென்னை வந்தார்.
அவரை வரவேற்க பாஜக மாநிலத் தலைவர் எல். முருகன், மேலிடப் பொறுப்பாளரும், தேசிய பொதுச்செயலாளருமான சி.டி. ரவி, மாநிலப் பொதுச்செயலாளர் கரு. நாகராஜன் ஆகியோர் வந்தனர்.மத்திய உள் துறை அமைச்சர்
மேலும் சுமார் 500-க்கும் மேற்பட்ட கட்சியினர் மேளதாளங்களோடு உற்சாக வரவேற்பு அளித்தனர். வரவேற்பை இன்முகத்தோடு பெற்றுக்கொண்ட அமித் ஷா காரிலிருந்து இறங்கி தொண்டர்களிடையே கை அசைத்தபடி சாலையில் நடந்துசென்றார். அதன்பின்னர் காரில் ஏறி சாலை வழியாக கிண்டியில் உள்ள நட்சத்திர விடுதிக்குச் சென்றார்.
