சென்னை: தமிழ்நாடு அரசின் பணிகளில் 18 துணை ஆட்சியர், 26 துணை காவல் கண்காணிப்பாளர், 25 வணிகவரித்துறை உதவி ஆணையர், 13 கூட்டுறவு சங்கங்களின் துணைப் பதிவாளர் உள்ளிட்ட 92 காலி பணியிடங்களை நிரப்புவதற்கான குரூப் 1 தேர்வு அக்டோபர் மாதம் நடைபெறவுள்ளது. முதல் நிலை தேர்வு அக்டோபர் 30ஆம் தேதி நடைபெறவுள்ளது. முதல் நிலை தேர்வு முடிவுகள் அறிவிக்கப்பட்ட பின்னர், முதன்மை எழுத்து தேர்வு நடைபெறும் தேதி அறிவிக்கப்படும் என டிஎன்பிஎஸ்சி அறிவித்துள்ளது.
குரூப் 1 தேர்வுக்கான ஆன்லைன் விண்ணப்பப்பதிவு கடந்த ஜூலை 21ஆம் தேதி தொடங்கியது. www.tnpsc.gov.in /www.tnpscexams.in என்ற இணையதளம் மூலம் விண்ணப்பங்கள் பதிவு செய்யப்படுகின்றன. இந்த நிலையில், குரூப் 1 தேர்வுக்கான ஆன்லைன் விண்ணப்பப்பதிவு நாளையுடன் நிறைவடைகிறது. நாளை இரவு 11.59 மணி வரையில் விண்ணப்பிக்கலாம் என தெரிவிக்கப்பட்டுள்ளது. மேலும் விண்ணப்பங்களை சமர்ப்பித்த பின்னர் தவறு இருந்தால், அதனை வரும் 27ஆம் தேதி முதல் 29ஆம் தேதி வரை திருத்தம் செய்து கொள்ளலாம் என தெரிவிக்கப்பட்டுள்ளது.
இதையும் படிங்க: குரூப் 1 பதவியில் 92 காலிப்பணியிடங்கள் நிரப்ப தமிழ்நாடு அரசு அறிவிப்பு
