சென்னை: தமிழ்நாடு முழுவதும் ஸ்மார்ட் கார்டுகள் மூலம் ரேஷன் கடைகளில் அத்தியாவசிய பொருள்கள் வழங்கப்படுகின்றன. ஸ்மார்ட் ரேஷன் கார்டில் உள்ள குடும்ப தலைவர், குடும்ப உறுப்பினரின் கைரேகை பயோமெட்ரிக் கருவியில் பதிவு செய்யப்பட்டு அத்தியாவசிய பொருள்கள் வழங்கப்படுகின்றன.
சில நேரங்களில் இந்த கைரேகை பதிவு செய்யும்போது அந்த இயந்திரத்தில் கோளாறு ஏற்படுகிறது. இதனால் அத்தியாவசிய பொருள்களை வழங்குவதில் தாமதம் ஏற்படுவதாக பொதுமக்கள் கோரிக்கை வைத்தனர்.
இந்நிலையில், ரேஷன் கடைகளில் கைரேகை பதிவு இயந்திரத்தில் கோளாறு ஏற்பட்டால் குடும்ப ஸ்மார்ட் அட்டையில் உள்ள கியுஆர் கோடை ஸ்கேன் செய்து பொருள்களை வழங்க தமிழ்நாடு அரசு உத்தரவிட்டுள்ளது.
மேலும் குடும்ப அட்டை எண்ணை ரேஷன் கடைகளில் பதிவு செய்து ரேஷன் பொருள்களை வாங்கலாம் என தெரிவிக்கப்பட்டுள்ளது.
இதையும் படிங்க: வடகடலோர மாவட்டங்களில் லேசான மழைக்கு வாய்ப்பு!
