கரோனா பெருந்தொற்றின் இரண்டாவது அலை தீவிரமெடுத்துவரும் நிலையில், தமிழ்நாட்டில் நேற்று மட்டும் ஐந்தாயிரத்திற்கும் மேற்பட்டோர் தொற்றால் பாதிக்கப்பட்டனர்.
கரோனா பரவலைத் தடுக்க முன்னதாக நேற்று முன்தினம் தமிழ்நாட்டில் கட்டுப்பாடுகள் விதிக்கப்பட்டுள்ளன. அவை இன்றுமுதல் நடைமுறைக்குவருகின்றன.
கரோனா கட்டுப்பாடுகள்:
- கரோனா பரவல் காரணமாக திருவிழாக்கள், மதம் சார்ந்த கூட்டங்களுக்குத் தடை.
- வழிபாட்டுத் தலங்களில் இரவு 8 மணிவரை மட்டுமே அனுமதிக்கப்படும்.
- கோயம்பேடு வணிக வளாகத்தில் சில்லறை காய்கனி அங்காடிகள் மட்டும் செயல்படத் தடை. அதேபோன்று மாவட்டங்களில் உள்ள மொத்த வியாபார காய்கனி வளாகங்களில் சில்லறை வியாபாரக் கடைகளுக்கும் தடைவிதிப்பு.
- திரையரங்குகளில் 50 விழுக்காடு மட்டுமே அனுமதிக்கப்படும்.
- புதுச்சேரி, ஆந்திரா, கர்நாடகா செல்லும் பேருந்துகளில் நின்று செல்ல அனுமதியில்லை, அமர்ந்து செல்ல மட்டுமே அனுமதி.
- பார்வையாளர்களின்றி விளையாட்டுப் போட்டிகள் நடத்தலாம்.
- கலை நிகழ்ச்சிகள் உள்ளிட்ட நிகழ்ச்சிகளை 200 பேருக்கு மிகாமல் நடத்தலாம்.
- சீருந்துகளில் (டாக்ஸி) ஓட்டுநருடன் சேர்ந்து மூவரும், ஆட்டோவில் ஓட்டுநருடன் சேர்ந்து இருவரும் மட்டுமே பயணிக்க அனுமதி.
- மாவட்ட, மாநகரப் பேருந்துகளில் அமர்ந்துசெல்ல மட்டுமே அனுமதி
- சின்னத்திரை, திரைப்படங்களுக்கு அனுமதி. இருப்பினும் நடிகர், நடிகர்கள், தொழிலாளர்கள் தடுப்பூசி போட்டுக்கொள்ள வேண்டும், உரிய வழிகாட்டு நடைமுறைகளைப் பின்பற்ற வேண்டும்.
- நீச்சல் குளத்தில் குளிக்க அனுமதியில்லை, ஆனால் பயிற்சி மேற்கொள்ள மட்டும் அனுமதி.
- தேநீர்க் கடைகள், உணவங்களில் 50 விழுக்காட்டினருக்கு மட்டும் அனுமதி.
- வெளி மாநிலங்களிலிருந்தும், வெளி நாடுகளிலிருந்தும் வருபவர்கள் கட்டாயம் இ-பாஸ் கொண்டுவர வேண்டும்.
- பொழுதுபோக்குப் பூங்கா, வணிக வளாகங்களில் 50 விழுக்காட்டினருக்கு மட்டும் அனுமதி.
- கல்வி, சமுதாயம், பொழுதுபோக்கு கலாசார நிகழ்வுகளில் உள் அரங்குகளில் 200 பேருக்கு மட்டுமே அனுமதி.
- திருமண நிகழ்வில் 100 பேர் மட்டுமே அனுமதி.இறுதி ஊர்வலத்தில் 50 பேர் மட்டுமே பங்கேற்க வேண்டும்.
