முடிச்சூரில் கோயில் உண்டியலை தூக்கி சென்ற கொள்ளையர்கள்..

தாம்பரத்தை அடுத்த முடிச்சூர் வைகறை அம்மன் கோயில் உண்டியலை கொள்ளையர்கள் தூக்கி சென்றனர். இதுதொடர்பாக காவல்துறையினர் விசாரணை நடத்தி வருகின்றனர்.

தாம்பரம்:முடிச்சூரில் வைகறை அம்மன் ஆலயம் உள்ளது. வழக்கம் போல் பூஜை முடித்து இரவு 8 மணி அளவில் கோயிலை பூட்டிவிட்டு வீட்டீற்கு சென்ற நிர்வாகி ஜெமின் என்பவர் இன்று காலை வழக்கம் போல் கோயிலை திறப்பதற்காக சென்றுள்ளார். அப்போது கோயில் பூட்டு உடைக்கப்பட்டு இருந்தது தெரியவந்தது.

உள்ளே சென்று பார்த்தபோது, உண்டியலை மர்ம நபர்கள் அடியோடு பெயர்த்து எடுத்து சென்றது தெரியவந்தது. இதுகுறித்து காவல் நிலையத்திற்கு கோயில் நிர்வாகிகள் தகவல் அளித்தனர்.

இதுதொடர்பாக காவல்துறையினர், விசாரணை நடத்தி வருகின்றனர். மேலும் திருடர்கள் அடியோடு எடுத்துச்சென்ற உண்டியலில் சுமார் 40 ஆயிரம் பணம் மற்றும் பக்தர்கள் காணிக்கையாக செலுத்திய வெள்ளி பொருட்கள் தங்க நகைகள் இருந்திருக்கலாம் என நிர்வாகிகள் தெரிவித்தனர்.

இதையும் படிங்க :இனி அலுவலகத்தில் 30 நிமிடம் தூங்கலாம்... அதிரடி அறிவிப்பு...