சென்னையில் இன்று செய்தியாளர்களிடம் பேசிய செய்தி மற்றும் விளம்பரத்துறை அமைச்சர் கடம்பூர் ராஜூ, ” அனைவரிடமும் கலந்து ஆலோசித்து மாநிலங்களவைக்கான அதிமுக வேட்பாளர்கள் விரைவில் அறிவிக்கப்படுவார்கள். மேலும், பத்திரிகையாளர் பாதுகாப்பிற்கு வாரியம் அமைத்து, பல்வேறு திட்டங்கள் நடைமுறைக்கு கொண்டு வரப்படவுள்ளது “ என்றார்.
திமுக, அதிமுக அல்லாத மூன்றாவது அணி பற்றி கமல் ஹாசன் முடிவு குறித்த கேள்விக்கு பதிலளித்த கடம்பூர் ராஜூ, மூன்று, நான்கு அணிகள் இல்லை, எத்தனை அணிகள் வந்தாலும் அதிமுகதான் வெற்றி பெறும் எனத் தெரிவித்தார். ரஜினி-கமல் கூட்டணி என்பது, பெண் பார்க்காமல் கல்யாணம் ஆகாமல் குழந்தைக்கு பெயர் சூட்டுவதற்கு சமமாகும் எனக் கூறினார்.
படப்பிடிப்புத் தளங்களில் விபத்துகள் ஏற்படாமல் இருப்பதற்கான நெறிமுறைகளை முதலமைச்சரோடு ஆலோசித்த பின், அதற்கான விதிகள் வகுக்கப்படும் எனவும் அமைச்சர் கடம்பூர் ராஜூ குறிப்பிட்டார்.
இதையும் படிங்க: 'சிறுபான்மை மக்களுக்கு இதய துடிப்பாக அதிமுக அரசு உள்ளது' - அமைச்சர் ஜெயக்குமார்
