சென்னை தலைமைச் செயலகத்தில், 162 கோடி ரூபாய் மதிப்பிலான குடியிருப்புக் கட்டடங்களைக் காணொலிக் காட்சி மூலம் முதலமைச்சர் பழனிசாமி திறந்துவைத்தார்.
சென்னை மகாகவி பாரதியார் நகரில் 129 கோடி ரூபாய் செலவில் கட்டப்பட்டுள்ள, குறைந்த வருவாய்ப் பிரிவினருக்கான 510 வீடுகள், முகப்பேர் கிழக்குப் பகுதியில் 12 கோடி ரூபாய் மதிப்பீட்டில் உயர் வருவாய் பிரிவினருக்கான 40 வீடுகள் ஆகியவற்றை முதலமைச்சர் திறந்துவைத்தார்.
இதேபோல், மதுரை அண்ணாநகரில் ஐந்து கோடியே 50 லட்சம் ரூபாய் மதிப்பீட்டில் கட்டப்பட்டுள்ள அம்மா திருமண மண்டபத்தையும் முதலமைச்சர் பழனிசாமி காணொலிக் காட்சி மூலம் திறந்துவைத்தார்.
இந்நிகழ்வின்போது, துணை முதலமைச்சர் ஓ. பன்னீர்செல்வம், தலைமைச் செயலர் சண்முகம் உள்ளிட்ட அலுவலர்கள் உடனிருந்தனர்.
இதையும் படிங்க: ”திமுக தோல்வி பயத்தில் உள்ளது” - பழனிசாமி
