தமிழ்நாட்டில் 27 மாவட்டங்களில் ஊரக உள்ளாட்சிகளில் மக்கள் பிரதிநிதிகளை தேர்தெடுப்பதற்கான தேர்தல் டிசம்பர் 27, 30 ஆகிய தேதிகளில் நடைபெறவுள்ளது. இத்தேர்தல் தொடர்பான பணிகள் எவ்வாறு நடைபெற வேண்டும் என்பது தொடர்பாக தேர்தல் அலுவலர்களுக்கு பயிற்சி வகுப்புகள் நடத்த தேர்தல் ஆணையம் முடிவு செய்துள்ளது.
அதன்படி இந்த தேர்தல் பணிகள் குறித்து பயிற்சி வகுப்புகள் மொத்தம் மூன்று கட்டங்களாக நடைபெறுகிறது. அதில் முதற்கட்ட பயிற்சி வரும் 14, 15 ஆகிய தேதிகளிலும், இரண்டாம் கட்ட பயிற்சி வகுப்புகள் வருகின்ற 21, 22 ஆகிய தேதிகளிலும் நடத்தப்பட உள்ளது.
மூன்றாம் பயிற்சியின் முதல் கட்ட பயிற்சி 26ஆம் தேதி நடத்தப்படவுள்ளதாக தேர்தல் ஆணையத்தால் அறிவிக்கப்பட்டுள்ளது. இந்தத் தேர்தல் பயிற்சி வகுப்புகளில் ஊரக உள்ளாட்சித் தேர்தல் நடைபெற உள்ள 27 மாவட்டங்களில் தேர்தல் அலுவலர்களாக நியமிக்கப்பட்டுள்ள தேர்தல் அலுவலர்கள் (returning officer's) கலந்துகொள்ள இருக்கின்றனர்.
