சென்னை: கத்தார் நாட்டின் தோகாவிலிருந்து கத்தார் ஏர்லைன்ஸ் பயணிகள் விமானம் இன்று சென்னை சா்வதேச விமானநிலையம் வந்தடைந்தது. இந்த விமான பயணிகளிடம் விமானநிலைய சுங்கத்துறை அலுவலர்கள் சோதனையில் ஈடுபட்டனர். அப்போது, 28 வயது மதிக்கத்தக்க இளைஞருடைய உடைமைகளில் தங்கம் கடத்திவரப்பட்டிருப்பது தெரியவந்தது.
இதையடுத்து தங்கத்தை பறிமுதல் செய்த அலுவலர்கள், அவரை கைது செய்தனர். முதல்கட்ட தகவலில், கைது செய்யப்பட்டவர் சென்னையை சோ்ந்த ஆதில் முகமது ஜான்ரபீக் என்பதும், பறிமுதல் செய்யப்பட்ட 750 கிராம் தங்கத்தின் மதிப்பு ரூ.21 லட்சம் என்பதும் தெரியவந்துள்ளது. மேலும் குடியரசு தினத்தன்று, துபாயிலிருந்து சென்னைக்கு வந்த சரக்கு விமானத்தில் ரூ.5 கோடி மதிப்புள்ள 12 கிலோ தங்கத்தை பறிமுதல் செய்யப்பட்டது குறிப்பிடத்தக்கது.
இதையும் படிங்க: துபாயிலிருந்து சென்னைக்கு பார்சலில் வந்த ரூ.5 கோடி மதிப்பிலான தங்கம் பறிமுதல்
