மேற்கு வங்கத்தைச் சேர்ந்த சிபானி மன்டி (55) என்பவர் கண் சிகிச்சைக்காக இரு உறவினருடன் ஹவுரா ரயில் மூலம் இன்று அதிகாலை சென்னை வந்துள்ளார். நுங்கம்பாக்கம் சங்கர நேத்ராலயாவிற்கு செல்வதற்காக இவர் சென்ட்ரல் ரயில் நிலையத்திலிருந்து TN 05 AC 3587 என்ற ஆட்டோவில் பயணம் செய்துள்ளார்.
இந்நிலையில், ஆட்டோ பெரியமேடு EVR சாலை காந்தி இர்வின் சாலை அருகே செல்லும்போது இருசக்கர வாகனத்தில் வந்த மர்ம நபர்கள் மூன்று பேர் ஆட்டோவின் ஓரமாக அமர்ந்திருந்த சிபானி மன்டியின் கைப்பையை சினிமா பாணியில் பறித்துச் சென்றனர். அதில் 20 ஆயிரம் ரூபாய் ரொக்கமும், 3 ஏடிஎம் கார்டுகளும் இருந்துள்ளது.
கைப்பை திருடு போனதால் அதிர்ச்சியடைந்த சிபானி மற்றும் அவரது உறவினர்கள் பெரியமேடு காவல்துறையினரிடம் புகார் அளித்தனர். அதன் பேரில் பெரியமேடு காவல்துறையினர் சிசிடிவியில் பதிவாகியிருந்த காட்சிகளைகளை ஆய்வு செய்து விசாரணை மேற்கொண்டு வருகின்றனர்.
