நகை, பணம் பறிப்பில் ஈடுபட்ட கல்லூரி மாணவர்கள்!

சென்னை: வீட்டில் தனியாக இருந்த பெண்ணிடம் கத்தியைக் காட்டி மிரட்டி பணம், நகையை கொள்ளையடித்து சென்ற ஐந்து பேரை காவல் துறையினர் கைது செய்தனர்.

திருவொற்றியூர், கலைஞர் நகர் ஒத்தவாடை தெருவைச் சேர்ந்தவர் ஜோதி, இவரது கணவர் ராஜகோபால். தனியார் பள்ளி நடத்திவருகிறார். கடந்த வாரம் இவர்களின் வீட்டில் உள்ளே புகுந்த மர்ம நபர்கள், கத்தியை காட்டி மிரட்டி, வீட்டிலிருந்த 7 சவரன் நகை, பணத்தை கொள்ளையடித்து சென்றனர்.

இதுதொடர்பாக புகாரின் பேரில் கண்காணிப்புக் கேமரா உதவியுடன் காவல்துறையினர் விசாரணை நடத்தினர்.

இந்நிலையில், கண்காணிப்புக் கேமரா காட்சிகளை அடிப்படையாகக் கொண்டு சோதனையிட்டதில் சிக்கிய நபர்கள்,

• திருவொற்றியூர், மேற்கு மாட வீதி பகுதியைச் சேர்ந்த நாகராஜ்,
• கரிமேடு பகுதியைச் சேர்ந்த கார்த்திக்,
• புதுவண்ணாரப்பேட்டை பகுதியைச் சேர்ந்த கல்லூரி மாணவன் முகமது சாதிக்,
• ராயபுரம் பகுதியைச் சேர்ந்த கீரன்,
• புதுவண்ணாரப்பேட்டை பகுதியைச் சேர்ந்த கலையரசன் என்பது தெரியவந்தது.
  

  கொள்ளை வழக்கு

கைது செய்யப்பட்ட ஐந்து பேரில் மூன்று பேர் ஆர்.கே நகர் அரசு கலைக் கல்லூரியில் இரண்டாமாண்டு இளங்கலை படித்து வருவது குறிப்பிடத்தக்கது.