தமிழ்நாட்டில் கரோனா தொற்றின் இரண்டாம் அலை நோய் தடுப்பு நடவடிக்கைகள் தொடர்பாக, சென்னை தலைமைச் செயலகத்தில் நாமக்கல் கவிஞர் மாளிகையில் முதலமைச்சர் தலைமையில், 'அனைத்து சட்டமன்ற கட்சித் தலைவர்கள் கூட்டம்' நடைபெற்றது. இக்கூட்டத்தில் 13 கட்சிகளைச் சார்ந்த பிரதிநிதிகள் கலந்து கொண்டனர். கூட்டத்தில் தொற்றுப் பரவலை கட்டுப்படுத்தும் வகையில், 5 தீர்மானங்கள் நிறைவேற்றப்பட்டுள்ளன.
கூட்டத்திற்குப் பின் செய்தியாளர்களைச் சந்தித்த சுகாதாரத்துறை அமைச்சர் மா.சுப்பிரமணியன், "மக்களின் உயிர் காக்கும் பொருட்டு ஊரடங்கு அமல்படுத்தப்பட்டுள்ளது. இந்நிலையில் அதனை தீவிரப்படுத்த வேண்டும் என்கிற அடிப்படையில் தீர்மானம் போட்டு, அனைத்து கட்சிகளும் அதனை ஏற்று கொண்டுள்ளனர்.
கரோனா தடுப்பு நடவடிக்கைகள் குறித்து ஆலோசிக்க சட்டப்பேரவை உறுப்பினர்களைக் கொண்ட கட்சி உறுப்பினர்களைக் கொண்ட குழு அமைக்க முடிவு செய்யப்பட்டுள்ளது. இன்று (மே.14) காலை முதல் ரெம்டெசிவிர் மருந்து நேரு ஸ்டேடியத்தில் விற்கப்படும்" என்றார்.
இதையும் படிங்க: தீவிரமாகிறது முழு ஊரடங்கு: அனைத்துக் கட்சி கூட்டத்தில் தீர்மானம்
