இதுகுறித்து வெளியிடப்பட்டுள்ள அறிவிப்பில், 'பலவகைத் தொழில் நுட்பக் கல்லூரிகளில் ஆன்லைன் மூலமாக இரண்டாம், நான்காம், ஆறாம் பருவம் பயின்ற மாணவர்களுக்கு நடைபெற்ற தேர்வு முடிவுகள் இன்று (ஆக். 31) வெளியிடப்படுகிறது.
இந்தத் தேர்வுகள் கடந்த ஜூன் 2021 மற்றும் ஜூலை 2021 ஆகிய மாதங்களில் தொழில்நுட்பக் கல்வி இயக்ககத்தால் நடத்தப்பட்டது.
மொத்தம் 2 லட்சத்து 96 ஆயிரத்து 886 மாணவர்களில் 2 லட்சத்து 71 ஆயிரத்து 636 மாணவர்கள் தேர்ச்சி பெற்றுள்ளனர். தேர்ச்சி விகிதம் 91.49 விழுக்காடு ஆகும்.
24 ஆயிரத்து 968 மாணவர்கள் தேர்ச்சி பெறவில்லை. மேலும், 282 மாணவர்களின் தேர்வு முடிவுகள் நிறுத்தி வைக்கப்பட்டுள்ளன.
தேர்வு முடிவுகளை www.tndte.gov.in என்ற இணையதளத்தில் தெரிந்து கொள்ளலாம்.
இவ்வாறு கூறப்பட்டுள்ளது.
இதையும் படிங்க: பள்ளிகளை கண்காணிக்க 37 அலுவலர்கள் நியமனம்
