திருவள்ளூர், பத்தியால்பேட்டையை சேர்ந்தவர் ஜெயபிரகாஷ். இவர் எம்பிஏ பட்டதாரி. இவரும் ஆவடியை அடுத்த பட்டாபிராம் பகுதியை சேர்ந்த ஒரு பெண்ணும் திருநின்றவூரில் உள்ள தனியார் கல்லூரியில் பட்டப்படிப்பு படித்து வந்துள்ளனர்.
அப்போது இவர்கள் இருவரும் ஒருவரை ஒருவர் காதலித்து வந்துள்ளனர். அச்சமயத்தில் ஜெயப்பிரகாஷ் திருமண ஆசைகாட்டி பழகிய பெண்ணை பாலியல் பலாத்காரம் செய்ததாக கூறப்படுகிறது. மேலும் அப்போது இருவரும் ஒன்றாக இருந்தபோது தனது செல்போனில் உல்லாச படங்களை ஜெயப்பிரகாஷ் எடுத்து வைத்துள்ளார்.
இதற்கிடையில் சமீபகாலமாக இந்த பெண் ஜெயபிரகாஷிடம் பழகுவதை தவிர்த்து விலகிச் சென்று உள்ளாராம். மேலும் அவர் வேலை செய்யும் இடத்தில் வேறு ஒருவரை காதலிப்பதாகவும் கூறப்படுகிறது. இதனையடுத்து ஜெயபிரகாஷ் ஆத்திரமடைந்த ஜெயபிரகாஷ் நாம் காதலித்த போது இருவரும் ஒன்றாக எடுத்த படங்களை பெற்றோர் உறவினர்களிடம் காட்டப்படும் என்றும் படங்களை இணையதளத்தில் வெளியிட்டு விடுவதாகவும் மிரட்டல் விடுத்துள்ளார்.
இதுகுறித்து பாதிக்கப்பட்ட பெண் ஆவடி அனைத்து மகளிர் காவல் நிலையத்தில் புகார் செய்தார். இதனை விசாரித்த போலீசார் ஜெயபிரகாஷ் மீது 376 சட்டவிதிகளின்படி மிரட்டல் மற்றும் கற்பழிப்பு ஆகிய வழக்குகளில் கைது செய்தனர். பின்னர் போலீசார் அவரை பூந்தமல்லி நீதிமன்றத்தில் ஆஜர்படுத்தி புழல் சிறையில் அடைத்தனர்.
