சென்னைப் பல்கலைக்கழகத் தேர்வு முடிவுகள் நாளை வெளியீடு

சென்னைப் பல்கலைக்கழகத் தேர்வு முடிவுகள் நாளை வெளியிடப்படும் என அறிவிப்பு வெளியாகியுள்ளது.

சென்னை: சென்னைப் பல்கலைக்கழக இளங்கலை, முதுகலை தேர்வு முடிவுகள் ஆகஸ்ட் 13ஆம் தேதி (நாளை) வெளியிடப்படும் என அறிவிக்கப்பட்டுள்ளது.

இந்த ஆண்டு ஏப்ரலில் நடைபெற்ற சென்னைப் பல்கலைக்கழக இளங்கலை, முதுகலை தேர்வு முடிவுகள் மற்றும் கடந்த ஆண்டு ஏப்ரலில் நடத்தப்பட்ட சிறப்புத் தேர்வு முடிவுகள் நாளை வெளியாகும் என சென்னைப் பல்கலைக்கழகம் அறிவித்துள்ளது.

தேர்வு முடிவுகளை அறிந்துகொள்ள egovernance.unom.ac.in/result20, result.unom.ac.in ஆகிய இணையதள முகவரிகளை பயன்படுத்திக் கொள்ள கல்லூரி நிர்வாகம் அறிவுறுத்தியுள்ளது.