சட்டப்பேரவையில் இன்று காவல் துறை மீதான விவாதம்
தமிழ்நாடு சட்டப்பேரவையில் இன்று (செப். 9) காவல் துறை, தீயணைப்புத் துறை, மீட்புத் துறை மானியக் கோரிக்கைகள் மீதான விவாதம் நடைபெறுகிறது. உறுப்பினர்களின் கேள்விகளுக்கு முதலமைச்சர் ஸ்டாலின் பதிலளிக்கவுள்ளார்.
கவிஞர் புலமைப்பித்தனுக்கு இறுதிச்சடங்கு
அதிமுக முன்னாள் அவைத் தலைவரும், கவிஞருமான புலமைப்பித்தன் உடல்நலக் குறைவால் நேற்று (செப். 8) உயிரிழந்தார். அவரது உடல் வீட்டில் அஞ்சலிக்கு வைக்கப்பட்ட நிலையில் இன்று (செப். 9) இறுதிச்சடங்குகள் நடக்கின்றன.
டெல்டா பரவலைக் கட்டுப்படுத்தும் செயல்திட்டங்கள்
டெல்டா தொற்றுப் பரவலைக் கட்டுக்குள் கொண்டுவருவதற்கான செயல்திட்டங்கள் குறித்து இன்று அமெரிக்க அதிபர் ஜோ பைடன் அறிவிக்கவுள்ளார்.
திரையரங்குகளில் ரிலீசாகும் லாபம் திரைப்படம்
இயற்கை, ஈ, புறம்போக்கு உள்ளிட்ட படங்களை இயக்கிய மறைந்த எஸ்.பி. ஜனநாதன் இயக்கத்தில் விஜய் சேதுபதி நடித்த லாபம் திரைப்படம் இன்று (செப். 9) திரையரங்குகளில் வெளியாகிறது.
அருண் விஜய் படத்தின் ஃபர்ஸ்ட் லுக்
இயக்குநர் ஹரி இயக்கத்தில் நடிகர் அருண் விஜய், பிரியா பவானி சங்கர் நடித்துவரும் படத்தின் ஃபர்ஸ்ட் லுக் போஸ்டர் இன்று வெளியாகிறது.
இந்தியச் சந்தையில் அறிமுகமாகும் ரியல்மி ஸ்மார்ட்போன்கள்
ரியல்மி நிறுவனம் தற்போது 8எஸ் 5ஜி, ரியல்மி 8ஐ என இரண்டு ஸ்மார்ட்போன்களை அறிமுகப்படுத்தியுள்ளது. இந்த ஸ்மார்ட்போன்கள் இன்று இந்தியாவில் அறிமுகம் செய்யப்படும் என எதிர்பார்க்கப்படுகிறது.
தமிழ்நாட்டில் மழை
தென்மேற்குப் பருவக்காற்று காரணமாக இன்றுமுதல் செப்டம்பர் 12ஆம் தேதிவரை தமிழ்நாடு, புதுச்சேரி, காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.
