சென்னை அயனாவரம் அடுக்குமாடி குடியிருப்பில் சிறுமி பாலியல் வன்கொடுமை வழக்கில், 17 பேரை காவல்துறையினர் கைது செய்தனா். இவ்வழக்கு விசாரணையின் போது, சிறையில் இருந்த பாபு என்பவா் இறந்துவிட்டாா். இதனைத் தொடா்ந்து, வழக்கை விசாரித்த சென்னை போக்சோ சிறப்பு நீதிமன்றம், பிப்ரவரி 3ஆம் தேதி எஞ்சிய 16 பேரில் குணசேகரன் என்பவரை மட்டும் விடுதலை செய்து உத்தரவிட்டது.
மீதமுள்ள 15 பேரில் ஐந்து பேருக்கு ஆயுள் தண்டனையும், ஒருவருக்கு ஏழு ஆண்டுகள் சிறையும், ஒன்பது பேருக்கு ஐந்து ஆண்டுகள் சிறை தண்டனையும் விதித்து தீர்ப்பளித்தது. இந்தத் தீர்ப்பை ரத்து செய்யக் கோரி, ஐந்து ஆண்டுகள் சிறை தண்டனை விதிக்கப்பட்ட உமாபதி என்பவர், சென்னை உயர் நீதிமன்றத்தில் மேல்முறையீட்டு மனுவை தாக்கல் செய்தார்.
அதில், எலக்ட்ரீசியனாக பணியாற்றிய தன்னை, வழக்கு தொடர்பான குற்றப்பத்திரிக்கையில், பிளம்பர் என குறிப்பிட்டுள்ளதாக கூறிய அவர், தனக்கு விதிக்கப்பட்டுள்ள அதிகபட்ச தண்டனையான ஐந்து ஆண்டுகள் சிறை தண்டனையை ரத்து செய்ய வேண்டும் என்றும், தண்டனையை நிறுத்தி வைத்து தனக்கு ஜாமீன் வழங்க வேண்டும் என்றும் மனுவில் குறிப்பிட்டிருந்தார்.
இந்த மனுவை விசாரித்த நீதிபதிகள் சுப்பையா, பொங்கியப்பன் ஆகியோர் அடங்கிய அமர்வு, நான்கு வாரங்களில் அயனாவரம் அனைத்து மகளிர் காவல் நிலைய ஆய்வாளர் பதிலளிக்க நோட்டீஸ் பிறப்பித்து உத்தரவிட்ட நீதிபதிகள், விசாரணையை ஒத்தி வைத்தனர்.
