கடந்த 70 ஆண்டுகளில் இல்லாத அளவிற்கு இலங்கையில் மிக மோசமான பொருளாதார நெருக்கடி நிலவி வருகிறது. இதனால் இலங்கையில் பல்வேறு பகுதிகளிலும் போராட்டங்கள் வெடித்துள்ளன. போராட்டங்களைத் தொடர்ந்து இலங்கையில் முழு ஊரடங்கு அமல்படுத்தப்பட்டுள்ளது. அங்கு பிரதமராக இருந்த மஹிந்த ராஜபக்ச பதவியில் இருந்து விலகி உள்ளார்.
இந்த நிலையில், இலங்கைக்கு பொருளாதார ரீதியாகவும், மருந்து, அரிசி, பால் பவுடர் உள்ளிட்ட அத்தியாவசியப் பொருட்கள் வழங்கி தமிழ்நாடு அரசு உதவும் என முதலமைச்சர் மு.க.ஸ்டாலின் சட்டப்பேரவையில் சிறப்புத் தீர்மானம் கொண்டு வந்தார். அத்தீர்மானத்தில், குறிப்பாக ரூ.80 கோடி மதிப்புள்ள 40 ஆயிரம் டன் அரிசி, ரூ.28 கோடி மதிப்புள்ள 137 மருந்து பொருட்கள், ரூ.15 கோடி மதிப்பில் குழந்தைகளுக்கான 500 டன் பால் பவுடர் ஆகியவற்றை இலங்கையில் வாழக்கூடிய அனைத்து மக்களுக்கும் வழங்க இருப்பதாகத் தெரிவித்தார்.
இதையும் படிங்க: நாட்டை விட்டு வெளியேறக் கூடாது - மகிந்த ராஜபக்சவுக்கு அதிரடி உத்தரவிட்ட இலங்கை நீதிமன்றம்
