தமிழ்நாடு அரசுப்பணியாளர் தேர்வாணையம் ஒருங்கிணைந்த பொறியாளர் பதவிகளுக்கான(COMBINED ENGINEERING SERVICE EXAMINATION) எழுத்துத் தேர்வினை இன்று மாநிலம் முழுவதும் உள்ள மாவட்டத் தலைநகரங்களில் நடத்தவுள்ளது. இந்நிலையில் உதகைமண்டலத்தில் பெய்துவரும் கனமழை காரணமாக தேர்வு நடத்துவதில் சிரமங்கள் இருப்பதாக நீலகிரி மாவட்ட ஆட்சியர் தமிழ்நாடு அரசுப்பணியாளர் தேர்வாணையத்திற்கு அறிக்கை அளித்தார்.
இதன் அடிப்படையிலும், அம்மாவட்ட விண்ணப்பதாரர்களின் நலனைக் கருத்தில் கொண்டும் உதகைமண்டல (ஊட்டி) மாவட்டத் தேர்வு மையத்திற்கு மட்டும் இத்தேர்வினை ஒத்திவைக்க முடிவு செய்யப்பட்டுள்ளது.
இத்தேர்வு மையத்திற்கான தேர்வு நடைபெறும் நாள் பின்னர் அறிவிக்கப்படும் உதகைமண்டலம் தவிர, மற்ற மாவட்டங்களில் அறிவித்தபடி நாளை தேர்வு நடைபெறும் என தமிழ்நாடு அரசுப்பணியாளர் தேர்வாணையம் அறிவித்துள்ளது
