சென்னை: 8ஆம் வகுப்பு தனித்தேர்வர்களுக்கான அனைத்துத் தேர்வுகளும் ஒத்தி வைக்கப்படுகிறது எனவும், இதற்கான தேர்வு அட்டவணை பின்னர் அறிவிக்கப்படும் என்று அரசுத் தேர்வுத் துறை அறிவித்துள்ளது.
8ஆம் வகுப்பு தனித் தேர்வுகள் - ஒத்திவைப்பு
அரசுத் தேர்வுத்துறை இயக்குநர் சேதுராம வர்மா வெளியிட்டுள்ள செய்திக்குறிப்பில், 'எட்டாம் வகுப்பு தனித்தேர்வர்களுக்கானப் பொதுத்தேர்வில் கனமழை காரணமாக, நவம்பர் 8 மற்றும் 9 ஆகிய நாட்களில் நடைபெற இருந்த தமிழ் மற்றும் ஆங்கில மொழிப் பாடத்தேர்வுகள் மட்டும் ஒத்திவைக்கப்படுகிறது.
இந்நிலையில், வரும் நாட்களில் அதீத கனமழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது. இதனால், நவ.10 முதல் 12ஆம் தேதி வரையில் நடைபெற உள்ள கணிதம், அறிவியல், மற்றும் சமூக அறிவியல் பாடங்களுக்கானத் தேர்வுகளும் ஒத்திவைக்கப்படுகின்றன.
மேலும், இத்தேர்வுகளுக்கான புதிய தேர்வுக் கால அட்டவணையை தேர்வுத் துறை பின்னர் அறிவிக்கும்' என்று அதில் தெரிவிக்கப்பட்டுள்ளது.
இதையும் படிங்க: கனமழை பெய்தால் எதிர்கொள்ள தேசியப் பேரிடர் மீட்புக்குழு தயார் - அமைச்சர் கேகேஎஸ் எஸ்ஆர். ராமச்சந்திரன்
