சென்னை வானகரம் பேருந்து நிலையத்தில் போதை பொருள்கள் கடத்தி வருவதாக, போதை பொருள் தடுப்புப் பிரிவு காவல்துறையினருக்கு ரகசிய தகவல் கிடைத்தது.
இதனை தொடர்ந்து கடந்த 27ஆம் தேதி அன்று வானகரம் பேருந்து நிலையத்தில் போதை பொருள் தடுப்புப் பிரிவு காவல்துறையினர் சோதனையில் ஈடுபட்டிருந்தபோது, ராமேஸ்வரம் செல்லக்கூடிய பேருந்து ஒன்றில் சந்தேகத்திற்கிடமாக இருந்தவரை விசாரணை செய்தனர்.
அப்போது, அவர் வைத்திருந்த பையில் பென்டின் என்ற போதை பொருள் இருந்தது கண்டுபிடிக்கப்பட்டது.
பின்னர், அவரை கைது செய்து விசாரணை மேற்கொண்டதில், வடசென்னையில் வசிக்கும் நபரிடமிருந்து இந்த போதைப் பொருளை வாங்கியதாக கூறினார்.
உடனே அங்கு விரைந்த போதைப் பொருள் தடுப்புப் பிரிவினர், அந்த நபரின் வீட்டில் சோதனை செய்ததில் 1.5 கிலோ பென்டின் போதைப் பொருளை பறிமுதல் செய்யப்பட்டது. பின் இருவரும் கைது செய்யப்பட்டு சிறையில் அடைக்கப்பட்டனர்.
கைப்பற்றப்பட்ட போதை பொருளின் மதிப்பு ரூ.24.96 லட்சம் என காவல்துறையினர் தெரிவித்தனர்.
