சென்னை: முதலமைச்சர் ஸ்டாலின் பிறந்த நாளை முன்னிட்டு, அவரது படத்தை பென்சில், பிரஷ் ஆகியவற்றைப் பயன்படுத்தாமல் 500 ரூபாய் தாளைக் கொண்டு, வரைந்து பகுதி நேர ஓவிய ஆசிரியர் அசத்தியுள்ளார்.
கள்ளக்குறிச்சி மாவட்டம், திருக்கோவிலூர் அடுத்த சிவனார்தாங்கல் ஊராட்சி ஒன்றிய நடுநிலைப்பள்ளியில் பகுதிநேர ஓவிய ஆசிரியராகப் பணிபுரிபவர், மணலூர்பேட்டை சு. செல்வம். இவர் முதலமைச்சர் ஸ்டாலின் பிறந்தநாளை முன்னிட்டு, பிரஷ் மற்றும் பென்சில் ஏதும் பயன்படுத்தாமல் 500 ரூபாய் தாளைக் கொண்டு முதலமைச்சர் ஸ்டாலின் படத்தை வரைந்துள்ளார்.
முதலமைச்சர் உருவப்படத்தை 500 ரூபாய் தாளைக் கொண்டு வரைந்த ஆசிரியர்
கரித்துண்டு பொடியில், 500 ரூபாயை பயன்படுத்தி தொட்டு உருவத்தை 12 நிமிடங்களில் வரைந்து முடித்துள்ளார். இவரது புதிய முயற்சியைப் பலரும் பாராட்டி வருகின்றனர்.
இதையும் படிங்க: முதலமைச்சர் ஸ்டாலினுக்கு வாழ்த்து சொன்ன சூப்பர் ஸ்டார்
