சென்னை: நடிகர் அஜித்குமார் பிறந்தநாள் இன்று (மே.1) ரசிகர்களால் கொண்டாடப்பட்டு வருகிறது. கள்ளக்குறிச்சி மாவட்டம் திருக்கோவிலூர் அடுத்த மணலூர்பேட்டையை சேர்ந்தவர் ஓவியர் செல்வம். இவர் தன்னுடைய உடம்பு முழுவதும் கயிற்றால் கட்டிக்கொண்டும், அதில் ஒரு பகுதி கயிற்றை வாயால் கவ்விக்கொண்டும் நடிகர் அஜித்குமாரின் உருவபடத்தை வரைந்துள்ளார்.
நடிகர் அஜித்குமார் தனி ஒருவனாக, விடாமுயற்சியால், தன்னம்பிக்கையுடன் திரைத்துறையில் முன்னணி நட்சத்திரமாக ஜொலித்துக் கொண்டிருக்கிறார். அவருக்கு ஓவியர் செல்வம் தன்னுடைய திறமையால் புதுமையான முறையில் வாழ்த்துக்களை தெரிவித்துள்ளார்.
நடிகர் அஜித்குமாரின் படத்தை வரையும் ஓவியர் செல்வம்
குறிப்பாக 20 நிமிடங்களில் நடிகர் அஜித்குமாரின் உருவபடத்தை ஓவியர் செல்வம் வரைந்துள்ளார்.
இதையும் படிங்க: கரோனா விழிப்புணர்வு - ஒரே நேரத்தில் 5 படங்களை வரைந்து அசத்திய ஓவியர்
