குறைந்து வரும் கரோனா - 1245 பேருக்கு நோய்த் தொற்று பாதிப்பு

Published : Oct 15, 2021, 10:48 PM IST

தமிழகத்தில் கரோனா வைரஸ் தொற்றால் பாதிக்கப்பட்டவர்ள் எண்ணிக்கையும், நோய் தொற்றினால் சிகிச்சை பலனின்றி இறப்பவர்களின் எண்ணிக்கையும் தொடர்ந்து குறைந்து வருகிறது.

கரோனா

சென்னை: மருத்துவம் மற்றும் மக்கள் நல்வாழ்வுத் துறை அக்டோபர் 15ஆம் தேதி வெளியிட்டுள்ள புள்ளி விவர தகவலில், தமிழ்நாட்டில் மேலும் புதிதாக ஒரு லட்சத்து 35 ஆயிரத்து 279 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது.

இதில் தமிழ்நாட்டில் இருந்த 1243 நபர்களுக்கும், டெல்லி மற்றும் கர்நாடகாவில் இருந்து மாநிலத்திற்கு வந்த தலா ஒருவருக்கும் என 1245 நபர்களுக்கு புதிதாக கரோனா வைரஸ் தொற்று கண்டறியப்பட்டுள்ளது.

மேலும், இதுவரை 4 கோடியே 82 லட்சத்து 37 ஆயிரத்து 70 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதில், 26 லட்சத்து 84 ஆயிரத்து 641 நபர்கள் கரோனா வைரஸ் தொற்று பாதிப்பிற்குள்ளாகி இருந்தனர் என்பது கண்டறியப்பட்டது. அவர்களில் தற்போது மருத்துவமனையில் மற்றும் தனிமைப்படுத்தும் மையங்களில் 15 ஆயிரத்து 238 பேர் சிகிச்சை பெற்று வருகின்றனர்.

மேலும், மருத்துவமனையில் சிகிச்சை பெற்று வந்த நோயாளிகள் குணம் அடைந்த 1442 பேர் வீட்டிற்கு அனுப்பி வைக்கப்பட்டுள்ளனர். இவர்களுடன் குணமடைந்தவர்கள் எண்ணிக்கை 26 லட்சத்து 33 ஆயிரத்து 534 என உயர்ந்துள்ளது.

தனியார் மருத்துவமனையில் 4 நோயாளிகளும், அரசு மருத்துவமனையில் 12 நோயாளிகளும் என 16 நோயாளிகள் சிகிச்சை பலனின்றி இறந்துள்ளனர். இதன் மூலம் இறந்தவர்கள் எண்ணிக்கை 35 ஆயிரத்து 869 ஆக உயர்ந்துள்ளது.

மாவட்ட வாரியாக மொத்த பாதிப்பு