சென்னை: முதலமைச்சர் மு.க.ஸ்டாலினை நடிகர் பிரசாந்த், அவரது தந்தையும் நடிகருமான தியாகராஜன் ஆகியோர் இன்று (ஜுன் 29) தலைமைச் செயலகத்தில் சந்தித்தனர். இந்த சந்திப்பின்போது இருவரும், கரோனா தடுப்பிற்கான முதலமைச்சரின் பொது நிவாரண நிதிக்கு 10 லட்ச ரூபாயை வழங்கினர்.
இதனைத்தொடர்ந்து செய்தியாளர்களிடம் பேசிய நடிகர் தியாகராஜன், "முதலமைச்சர் ஸ்டாலினை மரியாதை நிமிர்த்தமாக சந்தித்தேன். முதலமைச்சரின் கரோனா நிவாரண நிதிக்கு 10 லட்சம் ரூபாய் நிதி அளித்துள்ளேன்.
முதலமைச்சர் ஸ்டாலினின் செயல்பாடுகள் சிறப்பாக உள்ளது. மிகவும் கடினமாக உழைத்து வருகிறார். அவரது செயல்பாடுகளை பார்க்கும்போது கருணாநிதியை பார்ப்பது போல் உள்ளது. அவரை சந்தித்ததில் மிகவும் மகிழ்ச்சி" என தெரிவித்தார்.
